काठमाडौं, फागुन १२ गते। सभामुख अग्निप्रसाद सापकोटासँग भेट गर्न गृहमन्त्री बालकृष्ण खाँण भेट गर्नुभएको सभामुखको सचिवालयले जनाएको छ।
बिहीबारको प्रतिनिधिसभा संसदको बैठकमा अमेरिकी आर्थिक सहायता मिलिनियम च्यालेन्ज कर्पोरेशन (एमसीसी) सम्झौता परियोजनाको विषयमा छलफल हुन नसकेपछि सभामुख र गृहमन्त्रीको भेट भएको हो।
संसद् बैठक शुक्रबार दिउँसो १ बजेसम्मको लागि स्थगित भएको छ। बानेश्वरस्थित संसद भवन परिसर भने निरन्तर तनावग्रस्त भइरहेको बेला गृहमन्त्री खाँणले सभामुख सापकोटासँग भेटवार्ता गर्नुभएको हो।
यसअघि प्रधानमन्त्री शेरबहादुर देउवाले प्रमुख प्रतिपक्षी दल नेकपा (एमाले)का अध्यक्ष केपी ओलीसहित शीर्ष नेतासँग छलफल गर्नुभएको थियो। प्रतिनिधिसभा बैठक स्थगित भएपछि बानेश्वरमा प्रधानमन्त्री देउवाले ओलीसहित एमाले शीर्ष नेतासँग भेट गर्नुभएको हो।
