सभामुखविहीन प्रतिनिधि सभा, सुरु भएन दलहरूबीच परामर्श

प्रतिनिधि सभाको सभामुख पद रिक्त भएको दुई महिना पूरा भएको छ ।

सहज भएन श्रम स्वीकृति

वैदेशिक रोजगार कार्यालय ताहाचलमा श्रम स्वीकृति लिन आउने सेवाग्राहीले भोग्ने सास्ती अझै अन्त्य भएको छैन । अहिले पनि श्रम स्वीकृतिका लागि सेवाग्राहीलाई आठ दिनसम्म नै श्रम कार्यालय धाउनुपर्ने सास्ती उस्तै छ । यस्तै समस्याको भुक्तभोगी हुनुहुन्छ, उपत्यकाबाहिरका मिलन नेपाली ।

द्रुतमार्ग निर्माणमा छानिए छ परामर्शदाता कम्पनी

काठमाडौँ–तराई द्रुतमार्ग सडक आयोजनाले द्रुतमार्ग निर्माणका लागि परामर्शदाता छनोट प्रक्रिया अगाडि बढाएको छ । कुल २२ वटा कम्पनीले प्रतिस्पर्धा गरेकामा छवटा कम्पनी छनोटमा परेका छन् । आयोजनाले परामर्शदाता छनोटका लागि कम्पनीहरूको सङ्क्षिप्त सूची सार्वजनिक गरेसँगै आयोजनाको कार्य अगाडि बढ्ने छ ।

‘सीमा विवाद समाधान गर्न प्रमाण जुटाउँछौँ’

सञ्चार तथा सूचना प्रविधि मन्त्री गोकुलप्रसाद बाँस्कोटाले सीमा विवादलाई कूटनीतिक संयन्त्र र राजनीतिक माध्यमबाटै समाधान निकालिने बताउनुभएको छ । सरकारका प्रवक्ता बाँस्कोटाले त्यसका लागि ब्रिटिस म्युजियम, अभिलेखालयलगायत स्थानबाट समेत सरकारले तथ्य, तथ्याङ्क र प्रमाणहरू सङ्कलन गर्ने स्पष्ट पार्नुभयो ।

सवारी दुर्घटना हुन नदिन सम्बद्ध पक्षको सावधानीमा राष्ट्रपतिको जोड   

राष्ट्रपति विद्यादेवी भण्डारीले अर्घाखाँचीमा भएको बस दुर्घटनाको खबरले आफू स्तब्ध भएको बताउनुभएको छ ।