‘होल्डिङ सेन्टर’ निर्माणमा ढिलाइ

मुलुकमा फेरि कोभिड–१९ का सङ्क्रमितको सङ्ख्या दिनदिनै बढ्दै गएको छ तर कोभिड–१९ का सङ्क्रमितको उपचार तथा मुलुक बाहिरबाट आएका व्यक्तिलाई राख्न ‘होल्डिङ सेन्टर’ तथा उपचार केन्द्र निर्माण गर्ने निर्णय गरिएको १० महिना पुग्न लाग्दा पनि ‘होल्डिङ सेन्टर’ तयार हुन सकेको छैन ।

‘अब कोरोनाबाट बच्न सकिन्छ’

काठमाडौँ उपत्यकामा १२ देखि १८ वर्षसम्मका बालबालिकालाई कोरोनाविरुद्धको फाइजर खोप मङ्गलबारदेखि लगाउन सुरु गरिएको छ । स्वास्थ्य तथा जनसङ्ख्या मन्त्रालयले नेपालका पहाडी तथा हिमाली क्षेत्रस्थित ५७ जिल्लाका बालबालिकालाई मोडर्ना खोप दिइसकेको छ । सरकारले उपत्यकालगायतका अन्य २० जिल्लामा कोरोनाविरुद्धको फाइजर खोप दिने निर्णय गरेको थियो ।

मेडिकल शुल्कबारे गृह मन्त्रीको ध्यानाकर्षण

गृहमन्त्री बालकृष्ण खाँणले मेडिकल शुल्कबारे ध्यानाकर्षण भएको बताउनुभएको छ । विद्यार्थी सङ्गठनले चिकित्सा शिक्षाअन्तर्गत एमबीबीएस, बीडीएस र बीएनएस अध्ययनमा मेडिकल कलेजले लिएको शुल्कबारे जानकारी गराएपछि यसमा गम्भीर ध्यानाकर्षण भएको बताउनुभएको हो । सात विद्यार्थी सङ्गठनले मन्त्रालयमा बुझाएको ध्यानाकर्षण पत्र बुझ्दै मन्त्री खाँणले यस सम्बन्धमा परामर्श गरेर अघि बढ्ने आश्वासन दिनुभएको हो ।

माधव नेपाललाई कोरोना सङ्क्रमण

सत्तारुढ नेकपा (एकीकृत समाजवादी)का अध्यक्ष माधवकुमार नेपाललाई कोरोना सङ्क्रमण पुष्टि भएको छ । अध्यक्ष नेपालका सहयोगी मोहन गौतमका अनुसार सोमबार भएको पीसीआर परीक्षणको रिपोर्ट मङ्गलबार आएको हो । स्वास्थ्य अवस्था सामान्य रहेको र उहाँ घरमै आराम गरिरहनु भएको गौतमको भनाइ छ ।

बढ्दै कोरोना सङ्क्रमण : उपत्यकाका तीन प्रजिअको बैठक जारी

। काठमाडौं उपत्यकाका तीन जिल्लाका प्रमुख जिल्ला अधिकारी (प्रजिअ)को संयुक्त बैठक सुरु भएको छ । कोभिड–१९ महामारीको नयाँ स्वरुप ओमिक्रोनको सङ्क्रमण बढ्न थालेपछि यसको नियन्त्रण सम्बन्धी छलफलका लागि उपत्यकाका तीनवटै जिल्लाका प्रजिअको संयुक्त बैठक बसेको हो ।