खोप कार्ड देखाएर नेपाल र भारत आवतजावत गर्न पाइने

नेपाल सरकारले भारतसँग कोभिड खोप प्रमाणपत्रको आधारमा आवतजावतलाई मान्यता दिने समझदारी गरेको छ । मङ्गलबार स्वास्थ्य तथा जनसङ्ख्या मन्त्रालयमा आयोजित कार्यक्रममा खोप प्रमाणपत्रको आधारमा आवतजावतको मान्यता दिनेगरी समझदारी भएको हो । उक्त समझदारी पत्रमा स्वास्थ्य सचिव डा. रोशन पोखरेल र नेपालका लागि भारतीय राजदूत विनय मोहन क्वात्राले हस्ताक्षर गर्नुभएको छ ।

नेपाल बारले बिहीबार सर्वोच्च अदालतदेखि बालुवाटारसम्म मार्चपास गर्ने

नेपाल बार एसोसिएसनले बिहीबार सर्वोच्च अदालतदेखि बालुवाटारसम्म मार्चपास गर्ने भएको छ । बारका अध्यक्ष चण्डेश्वर श्रेष्ठले बिहीबार दिउँसो २ बजे सर्वोच्चदेखि बालुवाटारसम्म मार्चपास गर्ने जानकारी दिनुभयो । उहाँले मार्चसापमा नागरिक समाजका सदस्यसमेत संलग्न रहने जानकारी दिनुभयो ।

माथिल्लो छन्दीखोलाको बिजुली राष्ट्रिय प्रसारण लाइनमा जोडियो

लमजुङको दोर्दी गाउँपालिकामा निर्माण गरिएको माथिल्लो छन्दीखोला साना जलविद्युत आयोजनाको बिजुली राष्ट्रिय प्रसारण लाइनमा जडान भएको छ । छ्याङदीखोलामा निर्माण गरिएको ४ मेगावाट क्षमताको उक्त आयोजनाको निर्माण सम्पन्न भए पश्चात् राष्ट्रिय प्रसारण लाइनमा जडान गरिएको हो ।

बझाङलाई बाढीपहिरो सङ्कटग्रस्त क्षेत्र घोषणा गर्नेबारे परामर्श भइरहेको छ : प्रम देउवा

प्रधानमन्त्री एवं नेपाली कांग्रेसका सभापति शेरबहादुर देउवाले बझाङलाई बाढीपहिरो सङ्कटग्रस्त क्षेत्र घोषणा गर्ने बारेमा आवश्यक परामर्श भइरहेको बताउनुभएको छ । बझाङका जनप्रतिनिधिले आज उहाँलाई भेटेर आफ्नो जिल्लालाई बाढीपहिरो सङ्कटग्रस्त क्षेत्र घोषणा गर्नुपर्नेलगायत माग गरेपछि प्रधानमन्त्री देउवाले सो कुरा बताउनुभएको हो । गत असोज ३१ देखि कात्तिक २ गतेसम्म अविरल बेमौसमी वर्षाका कारण आएको बाढीपहिरोले बझाङमा...

एमाले महाधिवेशनमा महिला प्रतिनिधित्व

प्रमुख प्रतिपक्षी दल नेकपा (एमाले) १० औँ महाधिवेशनको चटारोमा छ । मङ्सिर १० देखि १२ गतेसम्म चितवनमा हुने महाधिवेशनमा दुई हजार प्रतिनिधि सहभागी हुँदैछन् । पार्टी अध्यक्षमा केपी शर्मा ओली र भीम रावलले उम्मेदवारी घोषणा गरिसक्नु भएको छ ।