प्रधानन्यायाधीशविरूद्धकाे  महाभियोग खारेजीकाे माग गर्दै सर्वोच्चमा रिट

प्रधानन्यायाधीश चोलेन्द्रशम्शेर जबरामाथि लागेको महाभियोगविरुद्ध सर्वोच्च अदालतमा संवैधानिक रिटको रुपमा दर्ता भएको छ । सर्वोच्चका प्रवक्ता विमल पौडेलले महाभियोगविरुद्ध दुई रिट दर्ताको जानकारी दिनुभयो । उहाँले एउटा रिट दर्ता भइसकेको र अर्को दर्ता हुने क्रममा रहेको बताउनुभयो ।

कार्यव्यवस्था परामर्श समितिको बैठक

सभामुख अग्निप्रसाद सापकोटाले बोलाउनुभएको कार्यव्यवस्था परामर्श समितिको बैठक सुरु भएको छ । नयाँ बानेश्वरस्थित संसद भवनमा समितिको बैठक सुरु भएको सभामुख सापकोटाका प्रेस संयोजक श्रीधर न्यौपानेले बताउनुभयो ।

प्रधानमन्त्री देउवा र माओवादी अध्यक्ष प्रचण्डबीच भेटवार्ता

प्रधानमन्त्री शेरबहादुर देउवालाई भेट्न नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ बालुवाटार पुग्नुभएको छ ।

एमसीसीबारे प्रचण्ड, नेपाल र खनालबीचकाे छलफल सम्पन्न

सिंहदरबारमा भएको सत्तारुढ दलका शीर्ष नेताहरुको छलफल सकिएको छ । नेकपा (एकीकृत समाजवादी)को संसदीय दलको कार्यालय सिंहदरबारमा शीर्ष नेताहरुबीच एमसीसीबारे छलफल  नेकपा माओवादीका अध्यक्ष पुष्पकमल दाहाल ‘प्रचण्ड'का प्रेस संयोजक सूर्यकिरण शर्माले बताउनुभयो ।

नेपालको बिजुली भारतमा बिक्री गर्न प्रस्ताव

नेपाल–भारत विद्युत् आदानप्रदान सहजीकरण गर्ने उद्देश्यले बिहीबार दुई देशका ऊर्जा सचिवस्तरीय संयुक्त सञ्चालन समिति (जेसीसी)को बैठक बस्दैछ । बुधबार सम्पन्न सहसचिव स्तरीय संयुक्त कार्यदलले तय गरेका एजेन्डालाई अनुमोदन गर्ने गरी यो बैठक हुन लागेको हो ।