कर्मचारीको २० लाख बीमा

निर्वाचन आयोगले स्थानीय तह निर्वाचन, २०७९ का लागि कर्मचारी बीमा प्रक्रिया सुरु गरेको छ । आयोगका पदाधिकारी तथा निर्वाचनमा खट्ने एक लाख १० हजार ७१३ जना कर्मचारीका लागि बीमा प्रस्ताव आह्वान गरेको आयोगले जनाएको छ । निर्वाचन अवधिमा खटिएका कर्मचारीको २० लाख बीमा गरिएको छ ।

एमसीसीमाथि आजदेखि छलफल

प्रतिनिधि सभामा पेस भएको मिलेनियम च्यालेन्ज कर्पोरेसन (एमसीसी) सँगको सम्झौताबारेमा बिहीबारदेखि सैद्धान्तिक छलफल प्रारम्भ हुने भएको छ । प्रतिनिधि सभा सचिवालयले सैद्धान्तिक छलफललाई सम्भावित कार्यसूचीमा समावेश गरिसकेको छ ।

अन्तिम रुट सर्वेक्षण सुरु

नेपाल र भारतबीचको मैत्री सम्बन्धको प्रतीकका रूपमा प्रस्तावित काठमाडौँ–रक्सौल रेलमार्गको अन्तिम रुट सर्वेक्षण सुरु भएको छ । रेल विभाग वरिष्ठ इन्जिनियर तथा प्रवक्ता अमन चित्रकारले सर्भेका लागि भारत सरकारले नेपालमा प्राविधिक टोली पठाइसकेको र सो टोलीले वीरगञ्जबाट सर्भेको काम सुरु गरेको जानकारी दिनुभयो ।

अन्तर्राष्ट्रिय र क्षेत्रीय सुरक्षामा सचेत रहन प्रधानमन्त्रीको निर्देशन

प्रधानमन्त्री एवं रक्षामन्त्री शेरबहादुर देउवाले देशको संवेदनशील भू–राजनीतिक अवस्थितिका कारण अन्तर्राष्ट्रिय र क्षेत्रीय सुरक्षा वातावरणमा आएको सानो परिवर्तनले समग्र सुरक्षा क्षेत्रमा असर पर्ने बताउनुभएको छ। यसका लागि सचेत रहन उहाँले निर्देशनसमेत दिनुभएको छ।

रूपान्तरणकारी योजना अघि सार्दै गृह मन्त्रालय

...