चित्र मिजार
सिन्धुपाल्चोक, मङ्सिर १४ गते । इन्द्रावती गाँउपालिका वडा नं ८ मा वडा अध्यक्षका लागि उपनिर्वाचनको मतदान शान्तिपूर्वक रुपमा शुरु भएको छ ।
बिहान ७ बजेबाट मतदाता मतदान गर्ने लाइनबद्ध छन् । अहिले सम्म एक सय मत खसेको बताइएको छ । सो वडामा एक हजार चार सय ४ जना मतदाता रहेका छन । जिल्ला निर्वाचन कार्यालयका अधिकारी खेमराज थापाले मतदान शन्तिपूर्वक र कुनै पनि भयरहित तरीकाले हुदैं गरेको जानकारी दिनु भएको छ ।
मतदान स्थलमा सूरक्षाकर्मीले तीन घेरामा सूरक्षा दिई रहेका छन । निर्वाचन पूर्ण सूरक्षित वातावरणमा भइरहेको जानकारी दिइएको छ ।
नेकपाबाट केदारनाथ आचार्य, नेकाँबाट राले तामाङ, राप्रपाबाट रन बहादुर तामाङ र राप्रपा सँयुक्त ढक बहादुर श्रेष्ठ वडा अध्यक्षका उम्मेदवार रहेनुभएको छ । समाजवादी पार्टीका प्रकाश श्रेष्ठ वडा अध्यक्षका उम्मेदवारबाट फिर्ता लिनुभएको छ । गत बर्ष सो वडाका अध्यक्ष धन बहादुर श्रेष्ठको निधन भएपछि सो वडामा उपनिर्वाचन हुन लागेको हो ।
