याङ्चु , मंङ्सिर १५ गते । खार्पुनाथ गाउँपालिकाको उपाध्यक्ष पदमा भएको उपनिर्वाचनमा नेकपाका उम्मेदवार रुपा शाही बिजयी हुनु भएको छ । उहाँले नेपाली काँग्रेसकी उम्मेदवार तारा शाहीलाई पराजित गर्दै बिजयी हुनु भएको हो ।
नेकपाबाट बिजी शाहीले एक हजार ४५४ मत ल्याएर बिजयी हुनु भएको हो भने उहाँका निकटतम प्रतिद्धन्दी नेपाली काँग्रेसकी तारा शाहीले एक हजार ३८५ मत ल्याउन भएको मुख्य निर्बाचन अधिकृत चन्द्रकान्त पौडेलले बताउनुभयो । नेकपाकी शाहीले काग्रेसकी उम्मेदवार भन्दा ६९ मत बढी ल्याएर बिजयी हुनु भएको छ । त्यसै गरि राष्ट्रिय प्रजातन्त्र पार्टी संयुक्तका दिप बहादुर शाहीले १० मत ल्याउनु भएको थियो । २० मत बदर भएको मुख्य निर्बाचन अधिकृत पौडेलले बताउनु भयो ।
तीन हजार ३८७ मत खार्पुनाथ गाउँ पालिकामा रहेकोमा र्दु हजार ८६९ मत खसेको थियो । नबनिर्बाचित उपाध्यक्ष शाहीलाई मुख्य निर्वाचन अधिकृतले एक कार्यक्रमकाबिच पद तथा गोपनियताको सपथ खुवाउनु भएको थियो । कार्यक्रममा बोल्दै उपाध्यक्ष शाहीले गाउँपालिकाका महिला तथा पछाडी परेका समुदायहरुको आवाजलाई माथि उठाउने र उनीहरुको उत्थानका लागि लाग्ने बताउनु भयो । त्यो संगै अब गाउँपालिकामा मिलेर अगाडी बढ्ने पनि उहाँले प्रतिबद्धता ब्यक्त गर्नुभएको थियो ।
