गोरखापत्र अनलाइन
काठमाडौ,मंङ्सिर १६ गते ।
तेह्रौं दक्षिण एसियाली खेलकुद सागमा नेपालले तीन स्वर्ण पदक जितेको छ । कराँतेमा मण्डेकाजी श्रेष्ठले कराँतेको एकल पुरुष विधामा स्वर्ण जितेर नेपाललाई तेह्रौं सागमा पहिलो स्वर्ण दिलाउनुभएको हो । सेमीफाइनलमा पाकिस्तानका नेमतुल्लाहलाई हराएर फाइनलमा पुग्नुभएका उहाँले स्वर्ण पदकको स्पर्धामा पनि पाकिस्तानी खेलाडीलाई पराजित गर्नुभएको छ । त्यसैगरी कमल श्रेष्ठले नेपाललाई अर्को स्वर्ण पदक दिलाउनुभएको छ ।
उहाँले भारतका राहुल जैनलाई पराजित गर्दै दोस्रो स्वर्ण दिलाउनुभयो । त्वेकान्दो पुम्से इभेन्ट्समा उहाँले ८.२७० अङ्क बटुल्दै स्वर्ण पदक जित्नुभयो । नेपाललाई टिम कातामा नेपालले तेस्रो स्वर्ण हात पारेको छ । नेपालकी निर्मला तामाङ, सरु कार्की र संगिता मगरले टिम काँतामा स्वर्ण दिलाएकि हुन् । नेपालले २४.८८ अंक प्राप्त गर्दा पाकिस्तान २३.३ अंकमा सिमित भयो ।
