काठमाडौं, माघ १२ गते । नयाँ सभामुख निर्वाचित गर्न प्रतिनिधि सभाको बैठक शुरू भएको छ । आइतबार बसेको प्रतिनिधि सभाको बैठकको एक मात्र कार्यसूची सभामुख निर्वाचन रहेको छ ।
बैठकको शुरूमा सभामुखका रुपमा अग्नी सापकोटाको प्रस्तावक सुवासचन्द्र नेम्वाङले प्रस्ताव पेश गर्नुभएको छ । त्यसपछि अग्नी सापकोटाका समर्थक देव गुरुङ, लक्ष्मणलाल कर्ण र ओनसरी घर्तीले समर्थन गर्नुभयो ।
बैठकको अध्यक्षता ज्येष्ठ सदस्य महन्थ ठाकुरले गर्नुभएको छ ।
