एजेन्सी
काठमाडौं, फागुन ५ गते । दक्षिण अफ्रिकी क्रिकेट टोलीका कप्तान फाफ डु प्लेसिस टेष्ट र टी ट्वान्टी कप्तानबाट राजिनामा दिनुभएको छ । ३५ वर्षीय डु प्लेसिसले युवा खेलाडीलाई नेतृत्व लिन प्रोत्साहन स्वरुप राजिनामा गरेको बताउनुभएको छ ।
क्रिकेट साउथ अफ्रिकाले जनवरीमा डु प्लेसिसलाई आराम दिदै क्विन्टन डे ककलाई इंग्ल्याण्ड विरुद्धको अन्तर्राष्ट्रिय एकदिवसीयको लागि कार्यवाहक कप्तानको जिम्मेवारी तोकेको थियो । दक्षिण अफ्रिकी क्रिकेटका निर्देशक ग्राहम स्मिथले टिम व्यवस्थापनले डे ककलाई नियमित कप्तानको जिम्मेवारी दिने तयारी गरेको बताउनुभएको थियो ।
