गोरखापत्र अनलाइन
काठमाडौ, फागुन ११ गते । प्रधानमन्त्री केपी शर्मा ओलीले बालुवाटारस्थित निवासममा जन्मदिन मनाउनु भएको छ । उहाँको जन्मथलो तेह्रथुमको आठराई जानुअघि उहाँलाई शुभेच्छुकहरुले बालुवाटारस्थित निवासमै पुगेर बधाई तथा शुभकामना दिनु भएको हो ।
उहाँलाई उपप्रधानमन्त्री तथा रक्षामन्त्री ईश्वर पोखरेललगायत बालुवाटार पुगेर प्रधानमन्त्री ओलीलाई जन्मदिनको बधाई दिँदै सुस्वास्थ्य र दीर्घायुको कामना गर्नुभएको प्रधानमन्त्रीको प्रेस सल्लाहकार सूर्य थापाले जानकारी दिनुभयो ।
प्रधानमन्त्रीलाई जन्मदिनको शुभकामना दिन उपप्रधानमन्त्री पोखरेलसँगै, नेकपा संसदीय दलका उपनेता, सुवास नेम्वाङ, प्रमुख निर्वाचन आयुक्त दिनेश थपलिया, पूर्वगृहसचिव प्रेम राई, कांग्रेस नेतृ सीता गुरुङ वालुवाटार पुग्नु भएको थियो ।
प्रधानमन्त्रीलाइ भेट्न उहाँहरु केक, मिठाई, फूलका माला र खादा बोकेर बालुवाटारस्थित प्रधानमन्त्री निवास पुगेर ओलीका परिवारका केही सदस्यहरु र सचिवालयका सदस्यहरु बसेर बधाइ साटासाट गर्नुभएको थियो ।
