लकडाउनमा यसरी मनाइयो इद उल फित्र (फोटो फिचर)

काठमाडौँ, जेठ १२ गते । आज इस्लाम धर्मावलम्बीहरूको महान् पर्व रमजान (इद उल फित्र) मनाइएको छ । एक महिनासम्म चल्ने यो पर्वमा सो समुदायका धर्मावलम्बी दिनमा निराहार बसेर एक महिनाको रोजा व्रत हिजो पूरा गरेका छन् भने इदउलफित्र मनाउन तयारीमा जुटेका छन् ।

इद उल फित्र नमाज सामूहिक रुपमा इदगाहमा पढ्नुपर्ने र यस वर्ष कोरोना भाइरसका कारण सामाजिक दूरी कायम गर्नुपर्ने तथा मुलुकमा लकडाउन पनि कायमै रहेकाले यो नमाज घरघरमै पढ्न राष्ट्रिय मुस्लिम आयोगले जारी गरेको सार्वजनिक सूचना जनाइएको छ ।

रमजान उर्दू क्यालेण्डर अनुसार हिजरी संवत् १४४१ हो भने रमजान महिना नवौँ महिना हो । रमजान महिनामा मुसलमानको सबैभन्दा ठूलो ग्रन्थ कुरान अवतरण भएको हो भने यो महिनामा अल्लाहको कृतज्ञता प्राप्त हुने विश्वास लिएको छ ।

दान दिनु, गरिब र दीनदुःखीलाई सेवा गर्नु, जकात निकाल्नु यो महिनाको ठूलो विशेषता हो । यसमा मुस्लिमले आफ्नो गच्छेअनुसार परिकार बनाएर खाने गर्छन् भने एकले अर्कालाई इद मुबारक भनेर शुभकामना आदानप्रदान गर्ने गर्छन् ।

फोटो फिचरः सुजन गुरूङ / गोरखापत्र

फोटो फिचरः सुजन गुरूङ्ग / गोरखापत्र