काँग्रेस केन्द्रीय कार्यसम्पादन समिति बैठक बुधबार बस्ने

नेपाली काँग्रेस केन्द्रीय कार्यसम्पादन समितिको बैठक यही चैत ३० गते बस्ने भएको छ । पार्टी केन्द्रीय कार्यालय ललितपुरमा अपराह्न बस्ने समितिको बैठकले स्थानीय तह निर्वाचनको घोषणापत्रलाई अन्तिम रुप दिइने बताइएको छ ।

सही सूचनाले निर्वाचन स्वच्छ र निष्पक्ष : सभामुख सापकोटा

सभामुख अग्निप्रसाद सापकोटाले सही सूचना प्रवाहले निर्वाचन स्वच्छ र निष्पक्ष हुने बताउनुभएको छ । उहाँले देश र जनताको हितमा काम गर्न सही सूचनाको आवश्यकता पर्ने, जति धेरै पारदर्शी हुन सक्यो त्यति उत्तरदायी बनाउन सकिने, सूचनाको हक कार्यान्वयनमा आयोग गम्भीरतापूर्वक लाग्नेमा आफू विश्वस्त भएको बताउनुभयो ।

स्थानीयद्वारा नागढुङ्गा सुरुङमार्ग आयोजनाको कार्यालयमा तोडफोड

खानेपानीको मुहान सुकेको भन्दै नागढुङ्गा सुरुङमार्ग आयोजनाको कार्यालयमा स्थानीयले तोडफोड गरेका छन् । दहचोक–सिस्ने खोला सुरुङमार्ग आयोजनाका कारण खानेपानीको मुहान सुकेको दाबी गर्दै स्थानीयले आयोजनाको कार्यालयमा तोडफोड गरेको महानगरीय परिसरका प्रमुख प्रहरी वरिष्ठ उपरीक्षक (एसएसपी) सुदीप गिरीले जानकारी दिनुभयो ।

विप्लव समूह पनि चुनावी मैदानमा, स्वतन्त्र उम्मेदवार घोषणा गर्दै

नेत्र विक्रम चन्द (विप्लव)ले नेतृत्वको नेकपाका नेताहरूले स्वतन्त्र रुपमा उम्मेदवारी घोषणा गरेका छन् । जिल्लाको तिनाउ गाउँपालिकाका विभिन्न वडामा उनीहरूले स्वतन्त्र उम्मेदवार दिने घोषणा गरेका हुन् । पार्टीले आगामी स्थानीय तहको निर्वाचनलाई उपयोग गर्ने नीति अनुरुप स्वतन्त्र रुपले घोषणा गरेको उनीहरूको भनाई छ । नेकपा पाल्पाका जिल्ला पूर्व सचिव भुवन जिसीले तिनाउ गाउँपालिकाको अध्यक्षमा स्वतन्त्र उम्मेदवारी दिने...

महिला उपप्रमुखको भूमिका सङ्कुचित

स्थानीय तहको पहिलो निर्वाचनको कार्यकाल अन्तिम क्षणमा आइपुग्दासम्म स्थानीय तहका उपप्रमुखहरू आफ्नै भूमिकाप्रति पूर्ण रूपमा सन्तुष्ट हुन सकेका छैनन् । संविधान र कानुनले स्थानीय तहका उपप्रमुखलाई निश्चित अधिकार प्रदान गरे पनि उक्त अधिकारमा प्रमुखको ठाडो हस्तक्षेपका कारण उपप्रमुखहरू आफ्नो भूमिकाप्रति सन्तुष्ट हुन नसकेको पाइएको हो ।