स्ववासी ९८ परिवारलाई लालपुर्जा वितरण   

सांसद महेश बस्नेतले सूर्यविनायक नगरपालिका–४ दधिकोट चित्रपुरका ९८ घर परिवारलाई लालपूर्जा वितरण गर्नुभएको छ । वडा कार्यालयले आज दधिकोटको चित्रपुरमा आयोजना गरेको लालपुर्जा वितरण कार्यक्रममा नेपाल कम्युनिष्ट पार्टी (नेकपा)का केन्द्रीय सदस्यसमेत रहनुभएका उहाँले लालपुर्जाविहीन परिवारलाई लालपुर्जा वितरण गर्नुभएको हो ।

धौलापैराको दुःख, निर्माण सुरु भएको सातवर्षसम्म पनि बनेन पुल

मध्यपहाडी लोकमार्ग अन्तर्गत रुकुम पूर्वको भूमे गाउँपालिका र सिस्ने गाउँपालिकाको सीमानामा पर्ने धौलापैरा खोलाको पुल निर्माण कार्य थालेको सातवर्षमा पनि बन्न सकेको छैन । राष्ट्रिय गौरवको आयोजनाको रुपमा रहेको मध्यपहाडी लोकमार्गमा रहेको यस खोलामा २०६९ सालबाट पुल निर्माणको काम सुरु गरिएकोमा अहिले सम्म काम सकेको छैन ।

सर्पले डसेर वालकको मृत्यु

सर्लाहीको दक्षिणी भेगस्थित भारतसँग सीमा जोडिएको विष्णु गाउँपालिकामा शनिवार विषालु सर्पले डसेर एक वालकको मृत्यु भएको छ । मृत्यु हुनेमा विष्णु गाउँपालिका–६, सीमरा टोल बस्ने देवनारायण मण्डलका ६ वर्षीय छोरा अमृतकुमार मण्डल रहेका छन् ।

साढे तीन सय विद्यालयले नयाँ भवन नपाउने

मापदण्डअनुरूप जग्गा नभएपछि भूकम्पबाट प्रभावित भएका साढे तीन सय विद्यालयले नयाँ भवन नपाउने भएका छन् । तीमध्ये दुई सय विद्यालय भवनमा रातो स्टिकर लगाइएको छ । रातो स्टिकर लगाइए पनि ती विद्यालय भवनमा अझै कक्षा सञ्चालन हुँदै आएका छन् ।

क्यानभासमा विजयोत्सवका रङ

इस्ट इन्डिया कम्पनीका फौजलाई गोर्खालीले परास्त गरेको दिनको सम्झनामा सिन्धुलीगढीमा बुधबार विजय उत्सव मनाइएको छ । समृद्ध सिन्धुली अभियानले चित्रकला शिविरको आयोजनासहित विजय दिवस मनाएको हो । विक्रम संवत् १८२४ असोज १५ गते कान्तिपुरका राजा जयप्रकाश मल्ललाई सघाउन कप्तान किनलकको नेतृत्वमा आएको दुई हजार चार सय अङ्ग्रेज फौजलाई गोर्खालीले सिन्धुलीगढीमा परास्त गरेका थिए ।