काठमाडौं, मंसिर २७ गते । सत्तारुढ दल नेपाली काँग्रेसका वरिष्ठ नेता रामचन्द्र पौडेलले १४ औं केन्द्रीय महाधिवेशनका प्रतिनिधिहरूसँग मंगलबार चियापान कार्यक्रम आयोजना गरि भेटघाट गर्नुहुने भएको छ ।
पौडेलका स्वकीय सचिव चिरञ्जीवी अधिकारीका अनुसार भोलि बिहान ९:०० बजे लैनचौर बैंक्वट्मा नेता पौडेलले भेटघाट कार्यक्रम गर्नुहुने भएको हो । महाधिवेशनका लागि साझा उम्मेदवारको प्रयास गर्दै आउनुभएको नेता पौडेलले साझा उम्मेदवार चयन हुन नसकेपछि सभापति पदबाट पछि हट्नुभएको हो ।
उहाँले १४ औं महाधिवेशनमा कुनै पनि पदमा उम्मेदवार दर्ता गर्नुभएन । सोमबार रातिसम्म काँग्रेस महाधिवेशनमा मतदान प्रक्रिया सम्पन्न हुने केन्द्रीय निर्वाचन समितिले जनाएको छ ।
यसैक्रममा पौडेलले महाधिवेशन प्रतिनिधिहरुसँग भेटघाट गर्न लाग्नुभएको हो ।
