काठमाडौं, मङ्सिर २८ गते । नेपाली काँग्रेसको १४ औँ महाधिवेशनअन्तर्गत सभापति पदका लागि भएको दोस्रो चरणमा भएको मतदानको मतगणना सुरु भएको छ । मंगलबार राती राष्ट्रिय सभागृहमा दोस्रो चरणमा सभापति पदको मतगणना सुरु भएको काँग्रेस केन्द्रीय निर्वाचन समितिका सचिव केशव रिजालले बताउनुभयो ।
सभापति पदका लागि प्रधानमन्त्री समेत रहनुभएको शेरबहादुर देउवा र डा. शेखर कोइराला प्रतिस्पर्धामा हुनुहुन्छ ।
मंगलबार दिउँसो साढे ३ बजेदेखि साढे नौ बजेसम्म भएको मतदानमा चार हजार ५६३ मत खसेको सचिव रिजालले जानकारी दिनुभयो । पहिलो चरणको मतदानभन्दा ११३ मत खसेको उहाँले बताउनुभयो । पहिलो चरणमा कसैले पनि ५० प्रतिशत मत कटाउन नसकेपछि दोस्रो चरणको मतदानमा गएको हो ।
