काठमाडौँ, पुस ६ गते । नेपाली काँग्रेस बागमती प्रदेश खुला केन्द्रीय सदस्यको मतपरिणाम सार्वजनिक भएको छ ।
काँग्रेस केन्द्रीय निर्वाचन समितिका अनुसार ध्यानगोविन्द रञ्जित र राजेन्द्रकुमार के.सी. (राजन) निर्वाचित हुनुभएको हो । ६ प्रतिस्पर्धीमध्ये सबैभन्दा बढी मत रञ्जित र के.सी.ले प्राप्त गर्नुभएको छ । रञ्जितले २४ सय १९ मत ल्याउनुभएको छ भने के.सी.ले २१ सय २९ मत प्राप्त गर्नुभएको छ ।
निर्वाचन समिति संयोजक गोपालकृष्ण घिमिरेका अनुसार कुल ४६ सय ५८ मत खस्दा ३३ मत बदर भएको छ । बागमती प्रदेश खुला केन्द्रीय सदस्यमा ध्रुवप्रसाद अधिकारी, निमा ग्याल्जेन शेर्पा, मनोज राना र रमेशप्रसाध धमला पराजित हुनुभएको छ ।
