काठमाडौं, माघ ८ गते । नेपाल कम्युनिष्ट पार्टी (माओवादी केन्द्र)को स्थायी समितिको बैठक पेरिसडाँडामा जारी छ । शनिबार बिहान ९ बजेदेखि केन्द्रीय कार्यालय पेरिसडाँडामा बैठक जारी रहेको नेकपा माओवादीका अध्यक्ष प्रचण्डका प्रेस संयोगक सूर्य किरणले जानकारी दिनुभयो ।
बैठकमा राष्ट्रिय सभा तथा तिनै तहका निर्वाचन, कोभिड–१९, पार्टीका आगामी योजनालगायत समसामयिक विषयमा छलफल भइरहेको प्रेस संयोजक किरणले जानकारी दिनुभयो ।
बैठकमा अध्यक्ष पुष्पकमल दाहाल ‘प्रचण्ड’, पार्टी केन्द्रीय आयोगका अध्यक्षहरु र निवर्तमान स्थायी समिति सदस्यहरुको उपस्थिति छ ।
बैठकमा पार्टी अध्यक्ष प्रचण्डले हिजो प्रधानमन्त्री निवास बालुवाटारमा बसेको सर्वदलीय बैठकमा उठेका विषयहरुको जानकारी एवम् आगामी तीनै तहको निर्वाचनबारे रणनीति तय गर्ने विषयमा छलफल हुने जनाइएको छ ।
