काठमाडौं, माघ २५ गते। बुधबारका लागि बोलाइएको सङ्घीय संसद् प्रतिनिधिसभा बैठकको सम्भावित कार्यसूची सार्वजनिक भएको छ। संसद् सचिवालयका महासचिव डा. भरतराज गौतमले बुधबारको सम्भावित कार्यसूची सार्वजनिक गर्नुभएको हो।
बुधबार दिउँसो १ बजेका लागि बोलाइएको बैठकमा प्रधानमन्त्री शेरबहादुर देउवाले ‘थारु आयोगको तेस्रो वार्षिक प्रतिवेदन’ पेश गर्नुहुनेछ।
सम्भावित कार्यसूचीमा शोक प्रस्ताव पारित हुनेछ। २०६४ को संविधानसभामा समानुपातिलक सांसद बन्नुभएका जगतबहादुर ताजपुरियाको २०७८ साल पुस १७ गते शनिबार निधन भएको हो।
