चुनावको तयारीमा लाग्न माधव नेपालको आह्वान

नेकपा (एकीकृत समाजवादी) पार्टीका अध्यक्ष माधवकुमार नेपालले चुनावमा लाग्न नेता तथा कार्यकर्तालाई आह्वान गर्नुभएको छ। बुधबार पार्टी प्रवेश कार्यक्रमलाई सिन्धुपाल्चोकमा सम्बोधन गर्नुहुँदै नेपालले यस्तो आह्वान गर्नुभएको हो। निर्वाचन आयोगले स्थानीय तहको मिति प्रस्ताव गरिसकेको अवस्थामा कार्यकर्तालाई सम्बोधन गर्दै अध्यक्ष नेपालले चुनावको तयारीमा लाग्न भन्नुभएको हो।

प्रधानमन्त्री देउवा, प्रचण्ड र नेपालबीच भेटवार्ता

प्रधानमन्त्री शेरबहादुर देउवा, नेकपा (एकीकृत समाजवादी)का अध्यक्ष माधवकुमार नेपाल र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’बीच भेटवार्ता भएको छ। बुधबार अपराह्न प्रधानमन्त्रीको सरकारी निवास बालुवाटारमा प्रधानमन्त्री देउवा, प्रचण्ड र नेपालबीच भेटवार्ता भएको प्रचण्डका प्रेस संयोजक सूर्य किरणले जानकारी दिनुभयो।

स्थानीय तहको निर्वाचन खर्च १२ अर्ब लाग्ने आयोगको अनुमान

निर्वाचन आयोगले स्थानीय तहको निर्वाचनका लागि १२ अर्ब बजेट आवश्यक पर्ने अनुमान गरेको छ। मंगलबार २०७९ साल जेठ ४ गते बुधबार स्थानीय तहको निर्वाचन एकसाथ गर्ने प्रस्ताव गर्दै आयोगले यस्तो अनुमान गरेको हो। आयोगले एकै चरण निर्वाचन नभए खर्च थप हुने अनुमानसमेत गरेको छ।

नेपाल टेलिभिजनको कार्यकारी अध्यक्षमा समीरजङ्ग शाह नियुक्त

सरकारले नेपाल टेलिभिजनको कार्यकारी अध्यक्षमा जाजरकोटका समीरजङ्ग शाहलाई नियुक्त गरेको छ । सोमबार बसेको मन्त्रिपरिषद् बैठकले शाहलाई टेलिभिजनको कार्यकारी अध्यक्षमा नियुक्त गरेको हो । सञ्चार तथा सूचना प्रविधिमन्त्री एवम् सरकारका प्रवक्ता ज्ञानेन्द्रबहादुर कार्कीका अनुसार चार वर्षे कार्यकालका लागि टेलिभिजनको कार्यकारी अध्यक्षका शाहलाई नियुक्त गरिएको हो ।

प्रधानमन्त्री देउवा र निर्वाचन आयोगका पदाधिकारीबीच छलफल हुँदै

प्रधानमन्त्री शेरबहादुर देउवा र निर्वाचन आयोगका पदाधिकारीबीच स्थानीय तह निर्वाचनको विषयमा मङ्गलबार छलफल हुँदैछ । निर्वाचन आयोगका प्रमुख आयुक्त दिनेशकुमार थपलियाका अनुसार प्रधानमन्त्री देउवासँग दिउँसो दिउँसो ३ छलफल हुँदैछ । प्रधानमन्त्री देउवाले छलफलका लागि आयोगका पदाधिकारीलाई बालुवाटार बोलाउनु भएको हो ।