डिना, आङ्देम्बे र परियारको अग्रता, एक घण्टामा परिणाम आउने

नेपाली कांग्रेसको १४ औं महाधिवेशन अन्तर्गत तीन वटा कल्ष्टरतर्फको सहमहामन्त्री पदको मतगणना जारी छ । काँग्रेस केन्द्रीय निर्वाचन समितिका सदस्य यगराज पोखरेलका अनुसार महिला सहमहामन्त्री एक पदका लागि महालक्ष्मी उपाध्याय डिना र कमला पन्तबीचमा डिनाको मतपरिणामले अग्रता पाइरहेका छ ।

राष्ट्रियसभा सदस्य निर्वाचनका लागि मतदान केन्द्र निर्धारण

आगामी माघ १२ गते हुने राष्ट्रियसभा निर्वाचनका लागि निर्वाचन आयोगले मतदान केन्द्र निर्धारण गरेको छ । बिहीबार आयोगले विज्ञप्ति जारी गर्दै प्रदेश १ मा दुई र अन्य छ वटा प्रदेशमा एक–एक वटा मतदान केन्द्रभित्र दुई–दुई वटा मतदान केन्द्र रहने गरी आठ वटा मतदान स्थलमा १४ वटा मतदान केन्द्र निर्धारण गरेको जनाएको छ ।

काँग्रेसलाई युवा भरोसाको पार्टी बनाउन लाग्छु : गगन थापा

नेपाली कांग्रेसका नवनिर्वाचित महामन्त्री गगनकुमार थापाले पार्टीलाई विधिसङ्गत ढङ्गले सुदृढ बनाएर लाने बताउनुभएको छ । नेपाली कांग्रेसको १४औँ महाधिवेशनबाट महामन्त्रीमा विजय भएपछि पार्टी केन्द्रीय कार्यालय सानेपामा सञ्चारकर्मीसँग कुरा गर्दै उहाँले आफूले महाधिवेशनमा पाएको मतलाई न्याय गर्ने र जिम्मेवारीलाई इमान्दारीपूर्वक निर्वाह गर्ने बताउनुभयो ।

काँग्रेस महामन्त्रीमा पराजित भएपछि रक्षामन्त्री रिजालको राजीनामा

रक्षामन्त्री डा. मिनेन्द्र रिजालले राजीनामा दिनुभएको छ । नेपाली काँग्रेसको १४ औँ महाधिवेशनमा महामन्त्री पदमा पराजित भएपछि रिजालले बिहीबार दिउँसो प्रधानमन्त्री शेरबहादुर देउवासमक्ष राजीनामा बुझाउनुभएको हो ।

काँग्रेस महामन्त्रीमा गगन थापा र विश्वप्रकाश शर्मा निर्वाचित

नेपाली काँग्रेसको महामन्त्रीमा गगन थापा र विश्वप्रकाश शर्मा विजयी हुनुभएको छ । केन्द्रीय निर्वाचन समितिले १४ औँ महाधिवेशन अन्तर्गत महामन्त्री पदको मतपरिणाम सार्वजनिक गर्दै थापा र शर्मा विजयी भएको जानकारी गराएको हो । गगन थापा तीन हजार २३ मत र विश्वप्रकाश शर्मा १९ सय ८४ मत ल्याएर विजयी हुनुभएको हो ।