काँग्रेस महामन्त्रीमा गगन थापा र विश्वप्रकाश शर्मा जित नजिक

नेपाली काँग्रेसको महामन्त्री पदमा गगन थापा र विश्वप्रकाश शर्माले अग्रता कायम राख्नुभएको छ । १४ औँ महाधिवेशन अन्तर्गत ४६ सय ८२ मतगणना हुँदा गगन थापाले तीन हजार २३ मत प्राप्त गर्नुभएको छ। त्यसैगरी विश्वप्रकाश शर्माले १९ सय ८४ मत प्राप्त गर्नुभएको छ ।

यो व्यक्ति र गुटको जीत होइन : विश्वप्रकाश शर्मा

सत्तारुढ दल नेपाली काँग्रेसको १४ औं केन्द्रीय महाधिवेशन अन्तर्गत महामन्त्रीमा जित सुनिश्चित भएका नेता विश्वप्रकाश शर्माले सुन्दरी जेलमा ढोगेर नै आगामी राजनीतिक यात्रा प्रारम्भ गर्ने बताउनुभएको छ। ‘यो कुनै व्यक्ति र गुटको जीत होइन । सिंगो काँग्रेसलाई नयाँ ढंगले सुरुवात गराउने यात्राको प्रारम्भ हो’, उहाँले भन्नुभयो, ‘सुन्दरीजलको माटो ढोगेर नै महामन्त्रीमा उम्मेदवारी दिएको थिएँ । सुन्दरीजलको जेलमा ढोगेर नै यात्रा...

पार्टीलाई एकताबद्ध बनाउन वरिष्ठ नेता पौडेलको आग्रह

नेपाली काँग्रेसका वरिष्ठ नेता रामचन्द्र पौडेलले पार्टीलाई एकताबद्ध बनाउन आग्रह गर्नुभएको छ । पार्टीको १४औँ महाधिवेशनबाट नवनिर्वाचित उपसभापति धनराज गुरुङसँग आज भएको भेटमा उहाँले पार्टीलाई एकताबद्ध बनाएर आम निर्वाचन जित्नुपर्ने बताउनुभएको थियो ।

३९९० मतगणना हुँदा काँग्रेस महामन्त्रीमा गगनकाे २५८१, विश्वप्रकाशको १६४६ मत

नेपाली काँग्रेसको महामन्त्रीमा गगनकुमार थापा र विश्वप्रकाश शर्माको अग्रता कायम छ । १४ औँ महाधिवेशन अन्तर्गत महामन्त्री पदको मतगणनामा थापा र शर्माले अग्रता लिनुभएको हो । निर्वाचन समितिका अनुसार ३९ सय ९० मतगणना हुँदा थापाले २५ सय ८१ मत प्राप्त गर्नुभएको छ भने शर्माले १६ सय ४६ मत प्राप्त गर्नुभएको छ ।

३१ सय मतगणना हुँदा गगन थापा र विश्वप्रकाश शर्माको अग्रता कायम

नेपाली काँग्रेसको महामन्त्री पदमा गगन थापा र विश्वप्रकाश शर्माले अग्रता कायम राख्नुभएको छ । १४ औँ महाधिवेशन अन्तर्गत ३१ सय २० मतगणना हुँदा गगन थापाले दुई हजार ३७ मत प्राप्त गर्नुभएको हो भने विश्वप्रकाश शर्माले १२ सय ५५ मत प्राप्त गर्नुभएको छ ।