आफ्ना मन्त्रीले भ्रष्टाचार गरे कारबाही गर्छौ : अध्यक्ष नेपाल

नेकपा समाजवादीका अध्यक्ष माधवकुमार नेपालले आफ्नो पार्टीबाट सरकारमा सहभागि भएका मन्त्रीलाई कुनै पनि गलत काम नगर्न निर्देशन दिएको बताउनुभएको छ । राष्ट्रिय स्वास्थ्यकर्मी सङ्घ नेपालद्वारा मध्यपुरथिमिको बोडेमा आयोजित दुईदिने राष्ट्रिय भेलाको आज अन्तिम दिनका कार्यक्रममा उहाँले आफ्ना मन्त्रीलाई भ्रष्टाचारबाट मुक्त भएर काम गर्न निर्देशन दिएको र गलत गरे कारबाही गर्ने जानकारी गराएको बताउनुभएको हो ।

खुमलटारमा प्रचण्ड र विप्लवको भेट, सहकार्यको विषयमा छलफल

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र नेकपा महासचिव नेत्रविक्रम चन्द ‘विप्लव’बीच भेटवार्ता भएको छ । शनिबार बिहान खुमलटारमा प्रचण्ड र विप्लवले एक घण्टा छलफल गर्नुभएको हो ।

काँग्रेसको प्रदेश सभा अधिवेशनमा ६० प्रतिशत निर्वाचनबाट नेतृत्व चयन हुँदै

सत्तारुढ दल नेपाली काँग्रेसको शुक्रबारदेखि सुरु भएको प्रदेश सभा अधिवेशनको प्रक्रिया शनिबार जारी छ ।काँग्रेसको केन्द्रीय निर्वाचन समितिका अनुसार मंसिर ३ गते वडा अधिवेशन समेत हुन नसकिरहेको सर्लाहीसहित जारी रहेको ६१ जिल्लाको प्रदेश अधिवेशनमा ६० देखि ६५ प्रतिशत निर्वाचनमार्फत नेतृत्व चयन हुने भएको छ।

कास्कीका छवटै क्षेत्रमा कांग्रेसका प्रदेश सभापति निर्वाचित

सत्तारुढ नेपाली कांग्रेसको १४ औँ महाधिवेशनअन्तर्गत कास्की प्रदेशसभाका छ निर्वाचन क्षेत्रमा शुक्रबार मतदानबाट नेतृत्व चयन गरिएको छ । प्रदेश निर्वाचन क्षेत्रको पदाधिकारीसहित प्रदेश प्रतिनिधिका लागि भएको निर्वाचनको अबेर सम्पन्न मतगणनाबाट कास्की निर्वाचन क्षेत्र नं १ (क)मा दुर्गाप्रसाद सुवेदी सभापतिमा निर्वाचित हुनुभयो । यसैगरी १ को (ख) बाट कृष्णप्रसाद कोइराला निर्वाचित हुनुभएको कास्की कांग्रेसले जनाएको छ ।

शनिबार छ हजार ७४३ वडामा सम्मेलन गर्दै माओवादी

नेकपा (माओवादी केन्द्र)ले शनिबार देशभर वडा सम्मेलन गर्ने भएको छ । वडा सम्मेलनको सम्पूर्ण तयारी पूरा भएको सो पार्टीका प्रवक्ता कृष्णबहादुर महराले जानकारी दिनुभयो । माओवादीले पार्टीलाई नयाँ शिराबाट निर्माण गर्नका लागि वडा सम्मेलन कोशेढुङ्गा सावित हुने विश्वास लिएको छ ।