एमसीसी व्याख्यात्मक घोषणासहित पारित गर्ने नेकपा एसको निर्णय

नेकपा (एकीकृत समाजवादी) पार्टीले अमेरिकी विकास सहयोग मिलेनियम च्यालेन्ज कर्पोरेशन (एमसीसी) व्याख्यात्मक टिप्पणीसहित पारित गर्ने निर्णय गरेको छ। आइतबार बसेको नेकपा एसको स्थायी कमिटी बैठकले व्याख्यात्मक घोषणामार्फत् एमसीसी सम्झौताको पक्षमा मतदान गर्ने निर्णय गरेको नेता गंगालाल तुलाधरले जानकारी दिनुभयो।

एमसीसी सम्झौता अनुमोदन गर्ने यस्तो छ सरकारको तयारी

सत्ता गठबन्धन दलले संयुक्त राज्य अमेरिकी सहयोग मिलेनियम च्यालेञ्ज कर्पोरेशन (एमसीसी) व्याख्यात्मक घोषणासहित संसद्‍बाट अनुमोदन गर्ने तयारी गरेका छन्। नेपाली कांग्रेसका वरिष्ठ नेता रामचन्द्र पौडेलका अनुसार प्रधानमन्त्री निवास बालुवाटारमा बसेको सत्ता गठबन्धनको बैठकले एमसीसी सम्झौतालाई व्याख्यात्मक घोषणासहित अनुमोदन गर्ने निर्णय गरेको हो।

संसद्‍ बैठक निर्धारित समयमा बस्न सकेन : दलहरु आन्तरिक छलफलमा

आइतबार दिउँसो १ बजेका लागि  तोकिएको प्रतिनिधिसभाको बैठक निर्धारित समय भन्दा ढिला भएको छ । सङ्घीय संसद् सचिवालयका प्रवक्ता डा. रोजनाथ पाण्डेका अनुसार बैठक एक घण्टाका लागि सारिएको छ । दिउँसो १ बजेका लागि तोकिएको बैठक २ बजेका लागि सारिएको हो । 

एमसीसी व्याख्यात्मक घाेषणासहित अनुमोदन गर्ने माओवादीको निर्णय

सत्ता साझेदार दल नेकपा (माओवादी केन्द्र) ले मिलिनियम च्यालेन्ज कर्पोरेसन (एमसीसी) परियोजना व्याख्यात्मक घाेषणासहित संसदबाट अनुमोदन गर्ने निर्णय गरेको छ । आइतबार बिहान पार्टी अध्यक्ष पुष्पकमल दाहाल प्रचण्ड निवास खुमलटारमा बसेको पूर्व स्थायी समिति सदस्यहरुको विस्तारित बैठकले यसखाले निर्णय गरेको अध्यक्ष प्रचण्डका स्वकीय सचिव रमेश मल्लले जानकारी दिनुभयो ।

नेकपा (एस) को सचिवालय बैठक ११ बजे बस्ने

सत्ता साझेदार दल नेकपा (एकीकृत समाजवादी) को सचिवालय बैठक बिहान ११ बजे बस्दैछ । नेकपा (एस) का नेता जीवनराम श्रेष्ठका अनुसार केन्द्रीय पार्टी कार्यालयमा बस्ने बैठकमा अमेरिकी आर्थिक सहायता मिलिनियम च्यालेन्ज कर्पोरेशन (एमसीसी) परियोजनका सम्बन्धमा छलफल हुनेछ ।