काँग्रेस र एमालेको बालकोट छलफल सकियो

सत्ताको नेतृत्वकर्ता नेपाली काँग्रेस र प्रमुख प्रतिपक्षी दल नेकपा (एमाले) बीचको छलफल सकिएको छ। एमाले अध्यक्ष केपी ओली निवास बालकोटमा भएको छलफल भर्खरै सकिएको हो। सञ्चार तथा सूचना प्रविधिमन्त्री ज्ञानेन्द्रबहादुर कार्कीका अनुसार प्रतिनिधिसभाको अवरोध र अमेरिकी विकास परियोजना मिलेनियम च्यालेन्ज कर्पोरेशन (एमसीसी)को विषयमा छलफल गर्दै बैठक सकिएको हो। लामो समय छलफल भए पनि निष्कर्षमा पुग्न नसकिएको उहाँको भनाइ छ।

बालकोटमा काँग्रेस र एमाले नेताहरुबीच छलफल जारी

सत्तारुढ दल नेपाली काँग्रेस र प्रमुख विपक्षी दल नेकपा (एमाले)नेताहरुबीच बालकोटमा छलफल जारी रहेको छ । एमाले अध्यक्ष केपी शर्मा ओलीका प्रेस संयोजक रामशरण बजागाईंले काँग्रेस र एमाले नेताहरुबीच छलफल भइरहेको जानकारी दिनुभयो । उहाँले शनिबार अपराह्न ४ बजेदेखि दुवै दलका नेताहरु छलफलमा बस्नुभएको बताउनुभयो ।

संसद्‍को कार्यसूची सार्वजनिक : एमसीसी पनि समावेश

आइतबार बस्ने प्रतिनिधिसभा बैठकको सम्भावित कार्यसूची सार्वजनिक भएको छ। संघीय संसद्का महासचिव डा. भरतराज गौतमले आइतबारको बैठकको सम्भावित कार्यसूची सार्वजनिक गर्नुभएको हो।

देश र जनताको हितभन्दा पार्टी बाहिर जाने छैन : अध्यक्ष ओली

नेकपा (एमाले)का अध्यक्ष केपी शर्मा ओलीले आफ्नो पार्टी संसदीय प्रक्रियामा नै नरहेकाले अमेरिकी मिलेनियम च्यालेन्ज कर्पोरेशन (एमसीसी) पास गर्ने अवस्थामा नरहेको बताउनुभएको छ । प्रगतिशील पेसागत कानुन व्यवसायी सङ्गठनको दोस्रो राष्ट्रिय सम्मेलनलाई आज यहाँ सम्बोधन गर्दै उहाँले देश र जनताको हितभन्दा आफ्नो पार्टीबाहिर नजाने बताउनुभएको हो ।

एमाले हुम्लाको अध्यक्षमा हमाल

फागुन ९ गतेबाट सुरु भएको नेकपा एमाले हुम्लाको ९औँ जिल्ला अधिवेशनले कलबहादुर हमालको अध्यक्षतामा जिल्ला कमिटी चयन गरेको छ । जिल्ला कमिटी अध्यक्षमा हमाल, उपाध्यक्षमा डबल रावत, सचिवमा तीर्थराज बोहरा, सहसचिवमा बिमला शाही र समावेशी सहसचिवमा चन्द्रप्रसाद ढकाललाई चयन हुनुभएको हो ।