संसद्‍ बैठकमा आज एमसीसी पेश नहुने

अमेरिकी सहयोग सम्बन्धी परियोजना एमसीसी बुधबार प्रतिनिधिसभा बैठकमा पेश नहुने भएको छ। प्रधानमन्त्री शेरबहादुर देउवा र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’बीच संसद्‍ बैठकमा आज एमसीसी पेश नगर्ने सहमति भएको हो।

 सत्ता गठबन्धनको बैठक बिहीबार ३ बजे बाेलाउने सहमति 

बिहीबार सत्ता गठबन्धनको बैठक बस्ने भएको छ । प्रधानमन्त्री शेरबहादुर देउवा र नेकपा (माओवादी केन्द्र)का अध्यक्ष पुष्पकमल दाहालबीच बिहीबार सत्ता गठबन्धनको बैठक बोलाउने सहमति भएको हो ।

बालुवाटारमा प्रधानमन्त्री देउवा र प्रचण्डबीच भेटवार्ता

प्रधानमन्त्रील शेरबहादुर देउवा र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’बीच बालुवाटारमा छलफल सुरु भएको छ । अध्यक्ष प्रचण्डको सचिवालय अनुसार बुधबार संसदीय दलको बैठक सके लगत्तै बालुवाटार पुग्नुभएको प्रचण्ड र प्रधानमन्त्रीबीच छलफल जारी रहेको छ ।

कार्यव्यवस्था समितिको बैठक बानेश्वरमा

सभामुख अग्निप्रसाद सापकोटाले बोलाउनुभएको कार्यव्यवस्था परामर्श समितिको बैठक सुरु भएको छ । बानेश्वरस्थित संसद भवनको शंकर हलमा बैठक सुरु भएको सभामुख सापकोटाको प्रेस सयोजक श्रीधर न्यौपानेले जानकारी दिनुभयो ।

महाभियोग राजनीतिक दबाबको परिणाम : राप्रपा

राष्ट्रिय प्रजातन्त्र पार्टी (राप्रपा)ले प्रधानन्यायाधीश चोलेन्द्र शमशेर जबरामाथिको महाअभियोग अदालतमा देखिएको राजनीतिक दबाबको परिषाम भएको बताएको छ। मंगलबार बसेको केन्द्रीय पदाधिकारीको बैठकले यस्तो निष्कर्ष निकालेको हो। अदालतको मर्यादा विपरीत न्यायधीशले इतिहासमै पहिलो पटक निरन्तर आन्दोलन गरेर न्यायालय कमजोर बनाउनुको दुष्परिणाम महाअभियोग भएको ठहर गरेको हो।