एस्पी कोइराला
घुम्छ घडी आफैँ ढिलो, बिदाइको बेला
त्यही घडी घुम्छ छिटो, बधाईको बेला ।।१।।
कहिले हिँड्छ साह्रै ढिलो, कसैलाई छिटो
घामछायाँको जिन्दगी हो, उपहार मिठो ।
रातले सास फेर्न भुल्छ, विछोडको पलमा
धड्कनभित्र जुन फुल्छ, मिलनको क्षणमा ।।२।।
सँगै हिँड्न नसक्नेलाई, छोड्छ पर्खिंदैन
गल्ती भूल भयो भनी, पछि फर्किंदैन ।
सूर्य चन्द्र ढिलो सर्छ, पर्खाइको पलमा
खुसी भाग्न हतार गर्छ, रोजाइको क्षणमा ।।३।।
घुम्छ घडी आफैँ ढिलो, बिदाइको बेला
त्यही घडी घुम्छ छिटो, बधाईको बेला ।।४।।
