जेबी खत्री
बाटातिर हेरेर बार्दलीमा बस्नेलाई
देखेपछि मुस्कुराउँँदै भित्र पस्नेलाई ।
हृदयमा चाहनाको एउटा पोको थियो
भेटमा फुकाएर देखाउने धोको थियो
मेरै बाटो हेरेर बार्दलीमा बस्नेलाई
देखेपछि मुस्कुराउँदै भित्र पस्नेलाई ।
कति खुसी हुन्छ मन वसन्तले छाएपछि
मनपर्दो मान्छेको साथ पाएपछि
पलपल सम्झिरहन्छु बार्दलीमा बस्नेलाई
देखेपछि मुस्कुराउँदै भित्र पस्नेलाई ।
हिँड्दाहिँड्दै एक्लै पनि बोल्दो रै’छु म त !
कहीँ कतै उभिएर टोलाउँदो रै’छु म त !
इसाराले बोलाउँ कि बार्दलीमा बस्नेलाई
देखेपछि मुस्कुराउँदै भित्र पस्नेलाई ।
बाटातिर हेरेर बार्दलीमा बस्नेलाई
देखेपछि मुस्कुराउँँदै भित्र पस्नेलाई ।
