जेबी खत्री
हिमाल, पहाड, तराईको एउटै गीत गाएँ मैले
बिना भेदभाव सबैसँग समान प्रीत लाएँ मैले ।
हिमाल पग्ली बगेका ती हिमनदीहरूसँग
पहाडका हरियाली डाँडाकाँडाहरूसँग ।
तराईको फाँटसम्म एउटै गीत गाएँ मैले
बिना भेदभाव सबैसँग समान प्रीत लाएँ मैले ।
हिमालजस्तो शिर अनि पहाडजस्तो छातीसँग
नङ–मासुको सम्बन्ध छ काखजस्तो तराईसँग ।
हिमाल, पहाड, तराईको छुटाइनँ गीत मैले
बिना भेदभाव सबैसँग समान प्रीत लाएँ मैले ।
हिमाल, पहाड, तराईको एउटै गीत गाएँ मैले
बिना भेदभाव सबैसँग समान प्रीत लाएँ मैले ।
