जयकृष्ण यादव
इनरुवा, चैत २९ गते । सुनसरीको धरानमा ५२ वर्षिया महिलालाई लक डाउनको समयमा बलात्कार गरेको आरोपमा धरान उपमनपा–४ का ४२ वर्षीय जीतबहादुर राईलाई प्रहरीले पक्राउ गरेको छ ।
महिलालाई घरमा कोही नभएको मौकामा करणी गरेको आरोपमा स्थानीय ४२ वर्षीय राईलाई प्रहरीले गिरफ्तार गरेको हो । गत चैत २६ गते विहान २ बजेको समयमा जीतबहादुर राईले ती महिलालाई जब्बरजस्ती करणी गरेको चैत २७ गतेको उजुरीको आधारमा प्रहरीले राईलाई पक्राउ गरेको हो ।
राईले राति पीडितलाई दवाव दिएर करणी गरेका थिए । पक्राउ परेका राईलाई सुनसरी जिल्ला अदालतमा म्याद थप गरी आवश्यक अनुसन्धान शुरु गरिएको इलाका प्रहरी कार्यालयका डिएसपी ढुण्डीराज न्यौपानेले जानकारी दिनुभयो ।
