बेलिना थापा
लमजुङ, पुस ६ गते । लमजुङको मस्र्याङ्दी गाउँपालिका– २ घनपोखरामा ट्याक्टर दुर्घटना हुँदा चालकको मृत्यु भएको छ । दुर्घटनामा चालक मस्र्याङ्दी गाउँपालिका– ९ सिम्पानीका अन्दाजी २४ वर्षीय सन्देश विकको मृत्यु भएको प्रहरीले जनाएको छ ।
घनपोखराको घिम्राङबाट खुदीतर्फ आउँदै गरेको ग १ त ६११४ नम्बरको ट्याक्टर सोमबार राति घिम्राङ खोलामा दुर्घटना भएको हो । जिल्ला प्रहरी कार्यालय लमजुङका सूचना अधिकारी प्रहरी निरीक्षक जगदिश रेग्मीका अनुसार सोमबार राति अन्दाजी ७ः४० बजेतिर दुर्घटना हुँदा विकको घटनास्थलमै मृत्यु भएको हो ।
घटनाबारे राति जानकारी आएको र खुदी प्रहरी चौकीबाट खटिएको प्रहरीले तत्काल उद्दार गरेर जिल्ला अस्पताल ल्याइएको थियो । अस्पतालमा ल्याए लगत्तै चिकित्सकले विकलाई मृत घोषणा गरेका थिए ।
मस्र्याङ्दी गाउँपालिका २ का वडाअध्यक्ष चेतबहादुर गुरुङ (शंकर) ले घिम्राङमा बालुवा पुर्याएर फर्किने क्रममा ट्याक्टर दुर्घटना भएको बताउनुभयो । मृतकको शव पोष्टमार्टमको लागि जिल्ला अस्पतालमा राखिएको छ ।
