नवीन शिशिर विक
बागलुङ, पुस १४ गते । श्रीमान हत्या आरोपमा बागलुङकी एक महिला कारागार चलान भएकी छन् । निसीखोला गाउँपालिका–६ खार्चङ निवासी ३१ वर्षीय टेकबहादुर बुढा मगरको हत्या आरोपमा उहाँकी २३ वर्षीया श्रीमती मोनिका बुढा मगरलाई थप अनुसन्धानको लागि जिल्ला अदालत बागलुङले कारागार पठाएको हो ।
मोनिकाले मंसिर ९ गते राति श्रीमानको हत्या गरेको प्रारम्भिक अनुसन्धानबाट खुलेको छ । मृतक बुढा मगर घरको आगनमा मृत अवस्थामा फेला पर्नुभएको थियो । प्रहरीले अनुसन्धान पुरा गरेर सरकारी वकिल कार्यालयमार्फत प्रतिवादी तथा मिसिल जिल्ला अदालतमा पेस गरेको प्रहरी नायव उपरीक्षक इकवाल हवारीले जानकारी दिनुभयो ।
यस्तै, प्रहरीले विगत ११ वर्षदेखि फरार एक अभियुक्तलाई पक्राउ गरेको छ । कर्तव्य ज्यान मुद्दामा जिल्ला अदालत बागलुङबाट वि.सं. २०६७ साल असोज ३ गते बीस वर्ष कैद फैसाला भई फरास जैमिनी नगरपालिका–१० का ४६ वर्षीय बलबहादुर पुनलाई घरबाटै प्रक्राउ गरेको हो ।
घर वतनमा लुकी छिपी बसेको अवस्थामा फेला पर्नुभएका पुनलाई लगत कट्टाको लागि अदालत पेस गर्दा अदालतले कारागार चलान गरेको डीएसपी हवारीले बताउनुभयो ।
