बिर्तामोड, माघ १५ गते । कन्काई नगरपालिका ७ दुर्गापुरमा बावुले चलाएको ट्याक्टरले किचेर छोरीको मृत्यु भएको छ ।
कन्काई ७ दुर्गापुरमा शनिबार दिउँसो १२ बजेको समयमा बालकृष्ण दुलालले चलाएको ट्याक्टरले किचेर आफ्नै २ वर्षीय छोरी आरुची दुलालको मृत्यु भएको इलाका प्रहरी कार्यालय सुरुङ्गाले जनाएको छ ।
दुलालको मे १ त ७५९ नम्बरको टयाक्टर पछाडि सार्ने क्रममा ट्याक्टर पछाडि खेलिरहेकी आफ्नै छोरीलाई किचेको थियो ।
छोरीको घटनास्थलमै मृत्यु भएको इलाका प्रहरी कार्यालय सुरुङ्गाका प्रहरी प्रमुख प्रहरी नायब निरीक्षक मानबहादुर जिम्बाले बताउनुभयो। हाल ट्याक्टरलाई इलाका प्रहरी कार्यालय सुरुङ्गाले नियन्त्रणमा लिएको छ ।
