‘खाना नफालौँ’ कार्यक्रम विशेष अभियानका रूपमा

कास्कीको अन्नपूर्ण गाउँपालिकाले ‘खाना नफालौँ’ कार्यक्रम विशेष अभियानका रूपमा सञ्चालन गर्ने भएको छ । गाउँपालिकाको आर्थिक वर्ष २०७७र७८ को वार्षिक नीति तथा कार्यक्रममा स्थानीय तहमा उत्पादित खाद्यान्न सञ्चिती एवं संरक्षण गर्ने र कुनै पनि प्रकारका खानेकुरा खेर नफाल्न गाउँपालिकावासीलाई सचेतना अभिवृद्धि गर्न ‘खाना नफालौँ’ कार्यक्रमलाई विशेष अभियानका रूपमा सञ्चालन गरिने उल्लेख छ ।

नेपाल–चीन सीमाको १ नम्बर पिलरसम्म सशस्त्रको गस्ती

व्यास गाउँपालिका–१ छाङ्गरुमा रहेको सशस्त्र प्रहरीको बोर्डर आउट पोष्टमा खटिएका सशस्त्र प्रहरीले नेपाल–चीन सीमाको १ नम्बर पिलरसम्म गस्ती गरेको छ । गत वैशाख ३१ गते व्यासको छाङ्गरुमा खटिएको सशस्त्र प्रहरी एक महिनापछि नेपाल–चीन सीमा स्तम्भमा पुगेको हो ।

विद्युत्को डिमान्ड शुल्क मिनाहा गर्न हान पोखराको आग्रह

बन्दाबन्दीले समस्यामा परेको भन्दै पश्चिमाञ्चल होटल सङ्घ (हान) पोखराले विद्युत्को डिमान्ड शुल्क मिनाहा गरिदिन सरकारसँग आग्रह गरेको छ । कोभिड–१९ को महामारीसँगै जारी बन्दाबन्दीका कारण बन्द होटल क्षेत्र धरासायी हुने अवस्थामा पुगेको भन्दै सङ्घले त्यस्तो आग्रह गरेको हो ।

पाइप बगाउँदा बागलुङ बजारमा खानेपानी समस्या

बागलुङ बजारमा आपूर्ति हुँदै आएको खानेपानीको पाइप पहिरोले विभिन्न स्थानमा बगाएको छ । अविरल बर्षाका कारण आएको पहिरोले भुदीखोला मुहान, दोविल्ला र रेशमा पाइप बगाएपछि पिउने पानी आपूर्ति नहुँदा बागलुङ बजारमा खानेपानी समस्या भएको छ । पहिरोले भुदी खोला मुहानमा पाँच, रेश जिरेदीमा नौ र दोविल्लामा तीनवटा जडान गरिएका पाइप बगाएपछि बजार क्षेत्रभित्र दुई दिनदेखि पानी आउन सकेको छैन ।

भारतबाट आउनेको सङ्ख्या न्यून हुँदैः सोमबार ४१६ नेपाली भित्रिए, ३३१ भारतीय बाहिरिए

सुदूरपश्चिमका मुख्य दुई नाका गड्डाचौकी र गौरीफन्टाबाट सोमबार ४१६ नेपाली नागरिक नेपाल भित्रिएका छन् भने ३३१ भारतीय नागरिक बाहिरिएका छन् । आइतबारको तुलनामा सोमबार नेपाल भित्रिनेको सङ्ख्या घटे पनि भारत जानेको सङ्ख्या भने बढेको छ । रोजगारीका लागि भारत र नेपालका विभिन्न शहर रहेका नेपाली र भारतीय नागरिक जेठ २ गतेयता दैनिक आफ्नो देश जाने आउने क्रम जारी रहेको छ । जेठको मध्यतिर दैनिक आठ हजार हाराहारीमा नेपाली नेपाल भित्रिए...