कर्णालीमा ४६ नयाँ सङ्क्रमित थपिए, कुल एक हजार २४५ पुग्यो

कर्णालीमा शनिबार ४५ जना नयाँ कोरोना सङ्क्रमित थपिएका छन् । सामाजिक विकास मन्त्रालयले शनिबार दिउँसो ३.०० बजे जारी गरेको सूचनामा प्रदेश अस्पताल, पशुपन्छी रोग अन्वेषण प्रयोगशाला, सुर्खेतमा गरिएको परीक्षणमा २० जना र राप्ती स्वास्थ्य विज्ञान प्रतिष्ठान, दाङमा गरेको परीक्षणमा २६ गरी कुल ४६ जना नयाँ सङ्क्रमित फेला परेको जनाएको छ । नयाँ थपसँगै कर्णालीमा कुल सङ्क्रमितको सङ्ख्या एक हजार २४५ पुगेको छ ।

होम क्वारेन्टाइनमा मृत्यु भएका पुरुषमा कोरोना पुष्टि, गुल्मीमा मृतक सङ्ख्या तीन

गुल्मीमा होम क्वारेन्टाइनमा बिहीबार राति मृत्यु भएका ६९ वर्षीय पुरुषमा कोरोना पुष्टि भएको छ । जेठ २५ गते भारतबाट आई होम क्वारेन्टाइनमा बसेका छत्रकोट गाउँपालिका वडा नं ५ का ६९ वर्षीय पुरुषमा कोरोना रिपोर्ट पोजिटिभ आएको स्वास्थ्य कार्यालय, गुल्मीका सूचना अधिकारी पशुपति आर्चायले जानकारी दिनुभयो ।

पहिरो खस्दा मध्यपहाडी लोकमार्ग अवरुद्ध

गए रातिदेखि परेको अविरल वर्षाका कारण पर्वत जिल्लाको कुश्मा नगरपालिका–१ सहस्रधारामा पहिरो खस्दा मध्यपहाडी लोकमार्गको पर्वत–बागलुङ खण्ड अवरुद्ध बनेको छ । आज बिहान पहिरो गएको हो । पहिरोका कारण कुश्मादेखि बागलुङ र बेनी हुँदै मुस्ताङसम्म जाने लोकमार्ग अवरुद्ध बनेको छ । जिल्ला प्रहरी कार्यालयका प्रहरी निरीक्षक बुद्धि सुवेदीका अनुसार अहिले पहिरो हटाएर लोकमार्ग सञ्चालन गर्ने काम भईरहेको छ ।

क्वारेन्टाइनबाट फर्किएपछि मृत्यु भएकाकाे पीसीआर रिपोर्ट नेगेटिभ

र्दियाको क्वारेन्टाइनबाट फर्किएपछि मृत्यु भएका पुरुषको कोरोना रिपोर्ट नेगेटिभ आएको छ । भेरी अञ्चल अस्पतालमा गरिएको परीक्षणमा बारबर्दिया नगरपालिका –३ खुरखुरेका ४५ वर्षीय बन्सराम थारुको पीसीआर रिपोर्ट नेगेटिभ आएको हो ।

मृतक सङ्क्रमितका श्रीमती र दुई छोरामा पनि सङ्क्रमण, अत्तरीया बजार सिल

गोदावरी, असार ६ गते । कैलालीको गोदावरी नगरपालिका- १ मा कोरोना सङ्क्रमणबाट मृत्यु भएका पुरुषको सम्पर्कमा आएका घरपरिवारका तीन जना सदस्यमा कोरोना सङ्क्रमण पुष्टि भएको छ । धनगढी प्रयोगशालामा गरिएको परीक्षणमा मृतककी ४१ वर्षीया श्रीमती र उनका १६ र २१ वर्षीय छोरामा कोरोना सङ्क्रमण पृष्टि भएको गोदावरी नगरपालिका प्रमुख हरिसिंह साउदले बताउनुभयो । यस्तै, सोही ठाउँका ५८ वर्षीय छिमेकी पुरुषमा पनि कोरोना सङ्क्रमण पुष्टि भएको...