त्रिनगरबाट एकै दिन पाँच हजार भित्रिए, थपिँदै चुनौती

कामको सिलसिलामा भारतका विभिन्न शहर गएका सुदूरपश्चिमेली अहिले दैनिक आ–आफ्ना जिल्ला फर्किन थालेका छन् । कैलालीको त्रिनगर भन्सार कार्यालयको बाटो हुँदै मङ्गलबार साँझ मात्रै पाँच हजारभन्दा बढी नागरिक भित्रिएका छन् । जसमा डोटी जिल्लाका मात्रै दुई हजार ८७९ छन् । जिल्ला प्रवेश गरेका दुई हजार ८७९ जनालाई जिल्लाका नौवटै स्थानीय तहले तयार पारेका ६७ क्वारेन्टिनमा राखिएको जिल्ला प्रशसान कार्यालय डोटीले जनाएको छ । जिल्लाको...

हिजाे भारतबाट आएका एक बिरामीका सेती अस्पतालमा मृत्यु

धनगढीस्थित सेती प्रादेशिक अस्पतालको आइसोलेसन कक्षमा भर्ना भएका एक व्यक्तिको मृत्यु भएको छ । जिल्लाको गौरीगङ्गा नगरपालिका–७ का ५० वर्षीय वृद्धको बुधबार बिहान ज्यान गएको हो ।

माटोको ढिस्कोले थिच्दा दम्पतीको मृत्यु

स्वास्थ्यचौकीको भवन निर्माणका लागि बालुवा निकाल्ने क्रममा मङ्गलबार पुरिएर नलगाड नगरपालिका–९ तात्रका ३३ वर्षीया कुमारी सिंहको घटनास्थलमै मृत्यु भएको छ । मृतक कुमारीका श्रीमान् ३५ वर्षीय एकराज सिंहलाई उपचारका लागि नेपालगञ्ज लैजाँदै गर्दा बुधबार बिहान भेरी नगरपालिका–१ को रावतगाउँमा मृत्यु भएको स्थानीयवासी नवराज सिंहले जानकारी दिनुभयो ।

कारागारमा उच्च सतर्कता

कोरोना सङ्क्रमणको जोखिम कम गर्न दाङको घोराहीमा रहेको कारागारमा उच्च सतर्कता अपनाइएको छ । कारागारमा थपिने कैदीबन्दीलाई क्वारेन्टिनमा राखेर मात्रै लैजाने गरिएको तथा भेटघाटमा रोक लगाइएको छ । घोराही कारागारमा पाँच जना अट्ने क्वारेन्टिन निर्माण गरिएको कारागारका जेलर विष्णु पाण्डेयले जानकारी दिनुभयो । बन्दाबन्दी शुरु भएपछि कारागारमा तीन कैदीबन्दी थपिएका छन् । उनीहरुलाई कारागारकै क्वारेन्टाइनमा १४ दिन राखी स्वास्थ्य...

क्वारेन्टाइनमै वडाध्यक्षको मृत्यु

क्वारेन्टाइन व्यवस्थामा जुटेका कञ्चनपुरको कृष्णपुर नगरपालिका वडा नं ७ का वडाध्यक्ष ५८ वर्षीय कल्लु रानाको गएराति मृत्यु भएको छ । राष्ट्रिय माध्यमिक विद्यालयमा रहेको क्वारेन्टाइनमा कुर्सीमा बसेर फोन गरिरहेका बेला एक्कासी बेहोस भएका रानाको मृत्यु भएको हो । राना साँझपख घरमा पुगी नुहाइ राना खाना खाएर क्वारेन्टाइन पुगेका थिए ।