सुदूरपश्चिम प्रदेश सभाको छैठाैँ अधिवेशन सुरु, कोरोना नियन्त्रणमै जोड

सुदूरपश्चिम प्रदेश सभाको छैठाैँ अर्थात बर्खे अधिवेशन मङ्गलबारबाट सुरु भएको छ । अधिवेशनको सफलताको शुभकामना दिँदै प्रदेश सभामा रहेका तीनै दलका संसदीय दलका नेता र प्रमुख सचेतकहरुले कोरोना नियन्त्रण र रोकथाममा ध्यान दिन प्रदेश सरकारलाई आग्रह गर्नुभयो । सो अवसरमा प्रदेश सरकारका आर्थिक मामिला तथा योजनामन्त्री झपटबहादुर बोहराले पूर्व बजेटको दस्तावेज पेश गर्नु भएको थियो ।

गण्डकी प्रदेश सभामा वातावरण संरक्षण गर्न बनेको विधेयक पारित

गण्डकी प्रदेश सभाले वातावरण संरक्षण गर्न बनेको विधेयक पारित गरेको छ । सभाको मङ्गलबार बसेको बैठकले विधेयकमाथि दफावार छलफल गरी पारित गरेको हो । विधेयक पारित हुनुपूर्व भएको दफावार छलफलमा भाग लिँदै प्रदेश सभा सदस्य इन्द्रधारा विष्टले प्रदेशको विकास निर्माणसँगै आवश्यक पूर्वाधार निमार्णका लागि विधेयकले सहयोग गर्ने बताउनुभयो । वातावरण संरक्षणलाई थप व्यवस्थित गर्दै वृक्षारोपणमा ध्यान दिँदै जैविक विविधतालाई ख्याल...

कोरोना नियन्त्रणमा धेरै सफल प्रयासहरु भएका छन् – मुख्यमन्त्री

मुख्यमन्त्री शंकर पोखरेलले प्रदेश नं. ५ मा कोरना नियन्त्रणमा धेरै सफल प्रयासहरु भइरहेको बताउनुभएको छ । मंगलबार प्रदेश सभा छैटौं अधिवेशनको तेस्रो बैठकलाई सम्बोधन गर्दै मुख्यमन्त्री पोखरेलले अन्य प्रदेशका तुलनामा यो प्रदेशमा धरै मानिसहरु क्वारेन्टाइनमा रहेकाले परीक्षणको दायर बढाउने प्रयास भइरहेको उल्लेख गर्नुभयो ।

कोरोनाकाे जस्तै लक्षण भएकी गर्भवती महिलाको मृत्यु

सप्तरीमा कोरोना भाइरसको शङ्कास्पद लक्षण देखिएकी एक गर्भवती महिलाको मृत्यु भएको छ । सप्तरीको कञ्चनरुप नगरपालिका ११ ठेलियाकी २४ वर्षीया गर्भवती महिलाको मङ्गलबार घरमै मृत्यु भएको नगरपालिकाका स्वास्थ्य शाखा प्रमुख डम्बर गुप्ताले जानकारी दिनुभयो ।

रौतहटमा २२ जनामा कोरोना सङ्क्रमण, सबै भारतबाट आएका थिए

रौतहटमा मङ्गलबार फेरि २२ जनामा कोरोना भाइरस सङ्क्रमण पुष्टि भएको छ । जिल्लाको गौर, देवाही गोनाही र राजेदेवी नगरपालिकामा नयाँ सक्रमित भेटिएका हुन् ।