मजदूरलाई गाडीबाट घर पठाइयो

प्रधानमन्त्री केपी शर्मा ओलीले लकडाउनको अवस्थामा घर जान चाहनेलाई प्रदेश र स्थानीय सरकारसँग समन्वय गरेर सुरक्षितरुपमा व्यवस्थापन गर्न निर्देशन दिएसँगै कास्कीमा अलपत्र मजदुरको उद्धार शुरु भएको छ ।

सभापति गुरुङद्वारा १२ थान थर्मल गन सहयोग

राष्ट्रियसभा सदस्य तथा विधायन व्यवस्थापन समितिका सभापति पर्शुराममेघी गुरुङले कोरोना भाइरस परीक्षणका लागि १२ थान थर्मल गन सहयोग गर्नुभएको छ । सङ्खुवासभामा कोरोना भाइरस परीक्षणका लागि ज्वरो मापन गर्ने थर्मल गन अभाव भएपछि जिल्ला समन्वय समितिका प्रमुख सुमन शाक्यले सांसद गुरुङसँग थर्मल गन माग गर्नुभएको थियो ।

आरडिटी पोजेटिभ देखिएका दुई जनामा स्वाब परीक्षण नेगेटिभ

बाजुराको त्रिवेणी नगरपालिका–९ बाँगापाटामा र्यापिड टेस्टमा पोजेटिभ देखिएका दुई जनामा स्वाब परीक्षणमा नेगेटिभ देखिएको स्वास्थ्य कार्यालय बाजुराले जनाएको छ ।

राहत वितरण गर्दा तस्वीर खिच्न प्रतिबन्ध

हलेसी तुवाचुङ नगरपालिकाले लकडाउनको मारमा परेका विपन्न परिवारलाई राहत वितरण गर्दा तस्वीर खिच्न प्रतिबन्ध लगाएको छ । तस्वीर खिचाएर सामाजिक सञ्जालमा राख्ने होडबाजी नै चलेको समयमा नगरपालिकाले तस्वीर खिच्न प्रतिबन्ध लगाएको हो ।

सन्तोषजनक काम नगर्ने स्वास्थ्यकर्मीलाई बिदा

दाङको राप्ती स्वास्थ्य विज्ञान प्रतिष्ठानले करार सेवामा कार्यरत स्वास्थ्यकर्मीलाई म्याद नथपी बिदा दिएको छ । कोरोना भाइरसको महामारीका बीचमा पनि काम गरिरहेका स्वास्थ्यकर्मीलाई कार्य सन्तोषजनक नभएको पत्र थमाउँदै प्रतिष्ठानले बिदाइ गरेको हो ।