प्रहरीद्वारा नियमित माइकिङ , लकडाउन पुर्णरूपमा पालना

कोभिड १९ नियन्त्रणमा पूर्वसावधानी अपनाउन रसुवा प्रहरीले नियमितरूपमा माइकिङ गरिरहेको छ । जिल्ला प्रहरी प्रमुख इन्द्रप्रसाद सुवेदीका अनुसार कोरोना भाइरससम्बन्धी स्वास्थ्य मन्त्रालयको मापदण्डबमोजिम रोग नियन्त्रणम पालना गर्नुपर्ने नीतिका बारेमा नेपाल प्रहरीमार्फत स्थानीय बासिन्दामा जागरण गराउन नियमित माइकिङ गर्ने काम तीव्ररूपमा अगाडि बढाइएको हो ।

जुम्लाका चारजनाको (स्वाब) काठमाडाैं पठाइयो

जुम्लाबाट चारजना विरामीको नमूना परीक्षणका लागि ‘स्वाब’ काठमाडौं पठाइएको छ । कर्णाली स्वास्थ्य विज्ञान प्रतिष्ठानमा कोरोनाको लक्षणको आशंकामा चारदिनदेखि आइसोलेसनमा भर्ना भएका दुई जना र तातोपानी गाउँपालिकाका लाम्रा र कालिकोटको नाग्म निगरानी केन्द्रमा बसेका एक, एक जना गरी चार जनाको ‘स्वाब’ नमूना परीक्षणका लागि काठमाडौं पठाइएको प्रतिष्ठानका डा. सुनिल बुढाथोकीले जानकारी दिनुभयो ।

सीमामा अलपत्र नेपाली एक हजार रुपियाँ तिरेर नेपाल भित्रिदै

भारतका विभिन्न सहरबाट हिँडेर सीमा नाका झुलाघछट आईपुगेको सुदूरपश्चिमका विभिन्न जिल्लाका नेपाली एक हजार रुपियाँ तिरेर ट्युबमा जोखिम मोलेर नेपाल भित्रिन थालेका छन् । लकडाउन भएको एक साता बितिसक्दा पनि रोजगारीका लागि भारत गएका नेपालीहरुको ठूलो संख्या हिँडेर सीमा नाकामा पुग्ने क्रम रोकिएको छैन ।

लकडाउन अवज्ञा उल्लघन गर्ने ६४ जना पक्राउ

जिल्ला प्रशासन कार्यालय बाराले लक डाउनको सातौ दिन सोमबार प्रहरीले निषेधाज्ञा अवज्ञा उल्लघन गर्ने ६४ जना पक्राउ गरेको छ । 

कोभिड—१९ः ‘होम क्वारेन्टाइनमै छठ पर्व’

मिथिला क्षेत्रमा श्रद्धा र निष्ठापूर्वक मनाइने चैती (बासन्ती) छठ पर्वका सबै विधि यसपाली महोत्तरीमा घरघरमै सम्पन्न गरिँदै छ । पर्वमा आज सोमबार नदी वा पवित्र जलाशयमा पुगेर अस्ताउँदा सूर्यलाई अघ्र्य दिने विधि घरघरै गरिने तयारी देखिएको हो । पर्वको मुख्य दिन आज निराहार ब्रत बसेर साँझ अस्ताउँदा सूर्यलाई अघ्र्य दिने विधि ‘सझुका–अरख’ सम्पन्न गरिने तयारी छ ।