पार्टीमा जसले टिकट पाए पनि जित्ने काँग्रेसले हो : नेता गच्छदार

सुनसरी सदरमुकाम इनरुवामा नेपाली काँग्रेस सुनसरीले ‘घरघर जाऔं, काँग्रेस जिताऔंं’ अभियानको अन्तिम दिन जिल्ला भेला सम्पन्न गरेको छ । काँग्रेसले जिल्लाको १२ स्थानीय तहको १२४ वटै वडामा पार्टीको सम्पर्क र पार्टी कार्यालय स्थापनादेखि टोल तथा वडा भेला कार्यक्रम सम्पन्न गरेको छ ।

जुम्ला खण्डमा भ्यान दुर्घटना, १० जना घाइते

जुम्ला तातोपानी गाउँपालिका २ स्थित बाबिरामा भ्यान दुर्घटना हुँदा १० जना यात्रु घाईते भएका छन् । जुम्ला सदरमुकामबाट नाग्मतर्फ जाँदैगरेको भे १ ज १२२० नम्बरको भ्यान मंगलबार दुर्घटना हुँदा भ्यानमा सवार १० जना यात्रु घाईते भएको जिल्ला प्रहरी कार्यालय जुम्लामा प्रहरी नायव उपरीक्षक नरेन्द्र चन्दले जानकारी दिनुभयो ।

उनसाठी हजार बालबालिकाले टाइफाइडविरुद्धको खोप लगाए

पाल्पामा १५ महिनादेखि १५ वर्षसम्मका ५९ हजार ८३ जना बालबालिकाले टाइफाइडबिरुद्धको खोप लगाएका छन् । चैत २३ गतेदेखि सुरु भएको खोप लगाउने अभियानमा हालसम्म जिल्लाका ८३ प्रतिशत बालबालिकाले खोप लगाएको स्वास्थ्य कार्यालय पाल्पाले जनाएको छ ।

म्यादी प्रहरीको तालिम शुरु

आगामी बैशाख ३० गते हुने स्थानीय तहको निर्वाचनमा खटिने म्यादी प्रहरीका लागि १० दिने तालिम मंगलबारबाट शुरुभएको छ । जिल्लाको सदरमुकाम जलेश्वर, गौशाला तथा बर्दिबासमा एकैसाथ १० दिने म्यादी प्रहरीका लागि तालिम दिन शुरु गरिएको जिल्ला प्रहरी कार्यालय महोत्तरीका प्रहरी नायव उपरीक्षक प्रकाश विष्टले जानकारी दिनुभयो ।

कर्णाली नदीमा खोज तथा उद्धार अभ्यास गरिदै

कैलालीको लम्कीचुहा नगरपालिका –३ चिसापानीस्थित कर्णाली नदीमा खोज तथा उद्धार अभ्यास शुरु गरिएको छ । नेपाली सेनाका मेजर विक्रम चौधरीको कमाण्डमा खोज तथा उद्धार अभ्यास शुरु गरिएको हो ।