म्यान्चेष्टर यूनाइटेडका काभानीमाथि तीन खेलको प्रतिबन्धसहित एकलाख यूरो जरिवाना

उहाँको टिप्पणीको आलोचना भएपछि उक्त पोष्ट मेटाउनुका साथै क्षमा माग्नुभएको थियो । जरिवाना र प्रतिबन्धसँगै काभानीले आचरणसम्बन्धी कक्षा समेत लिनुपर्नेछ । एफएले उहाँ विरुद्धको आरोप डिसेम्बर १७ मा दत्र्ता गरेको थियो । सजायपछि यूनाइटेडले काभानीको बचाउ गर्दै रङ्गभेद विरुद्ध काभानी सधैं उभिएको वक्तब्य जारी गरी उल्लेख गरेको छ । स्वतन्त्र नियामक आयोगले काभानीको पोष्टमा नियतवश रङ्गभेदलाई प्रश्रय दिने वा गर्ने वाक्य उल्लेख...

प्रधानमन्त्री राष्ट्रिय पुरुष क्रिकेट छनोट : काठमाडौँ र ललितपुर विजयी

प्रधानमन्त्री राष्ट्रिय पुरुष क्रिकेटअन्तर्गत वाग्मती प्रदेशको छनोट खेलमा काठमाडौँ र ललितपुर विजयी भएका छन् । बिहीबार भएको छनोट खेलमा काठमाडौँले भक्तपुरलाई चार विकेटले तथा ललितपुरले त्रिभुवन विश्वविद्यालयको टोलीलाई २९१ रनले पराजित गरेको हो । काठमाडौँको मुलपानीस्थित क्रिकेट मैदानमा टस जितेर ब्याटिङ गरेको भक्तपुरले ३३ दशमलव चार ओभरमा ९७ रन बनायो । अन्ठानब्बे रनको विजय लक्ष्य काठमाडौँले २३ दशमलव पाँच ओभरमा...

तीब्र गतिका बलर उमेश यादब अन्तिम दुई टेष्टबाट बाहिरिए

भारतका तिब्र गतिका बलर उमेश यादब अष्ट्रेलिया विरुद्धको अन्तिम दुई टेष्ट खेलबाट बाहिरिनुभएको छ । अष्ट्रेलिया विरुद्धको दोस्रो टेष्टको दोस्रो पारीमा तिब्र गतिका बलर उमेश यादबको पिडुँलाको मांसपेशीमा समस्या आएपछि उहाँ रङ्गशालाबाट बाहिरिनुभएको थियो । दोस्रो पारीमा उहाँले मात्र चार ओभर तीन बल बलिंग गर्दै एक विकेट लिनुभएको थियो ।

बङ्गलादेश भ्रमणबाट पोलार्ड, होल्डरसहित दश खेलाडी नाम फित्र्ता लिए

वेष्टइन्डिज क्रिकेटको टेष्ट टोलिका कप्तान जैसन होल्डर, एकदिवसीय टोलिका कप्तान क्यारन पोलार्ड र टेष्ट टोलिका उपकप्तान रोष्टन चेजसहितका खेलाडीले बङ्गलादेश भ्रमणबाट नाम फित्र्ता लिएका छन् । डारेन ब्राभो, शामह्र ब्रुक्स, शेल्डन कोट्रेल, एभिन लेविस, शाई होप, शिमरन हैटमर र निकोलास पूरन समेत कोरोना सङ्क्रमणको कारण देखाउँदै भ्रमणबाट नाम फित्र्ता लिएका हुन् ।

पहिलो टेष्टमा न्युजिल्याण्डको पाकिस्तानमाथि १०१ रनको जित

न्युजिल्याण्डले प्रस्तुत गरेको ३७३ रनको लक्ष्य पछ्याउँदै पाकिस्तानले आफ्नो दोस्रो पारीमा मात्र २७१ रन जोड्न सकेपछि हार बेहोरेको हो । ७५ रनमै महत्वपूर्ण चार विकेट गुमाएको पाकिस्तानका लागि फवाद आलमले मोहम्मद रिजवानसँग पाँचौं विकेटका लागि १६५ रनको साझेदारी गरेर स्थिरता प्रदान गर्नुभयो । फवादले शतकीय पारी खेलेपनि पाकिस्तानको हार टार्न सक्नुभएन ।

नेपाली सेनालाई एएफसीको लाइसेन्स हस्तान्तरण

जङ्गी अड्डामा बुधबार आयोजित एक समारोहका बीच एन्फा अध्यक्ष कर्मा छिरिङ्ग शेर्पाले प्रधानमन्त्री सेनापति पूर्णचन्द्र थापालाई एएफसीको लाइसेन्स हस्तान्तरण गर्नुभयो । लाइसेन्स प्राप्त गरेपछि त्रिभुवन आर्मी फुटबल क्लबले एसियाली फुटबल संघ मातहात सञ्चालन हुने क्लब तहको अन्तर्राष्ट्रिय स्पर्धामा सहभागी हुन पाउनेछ ।

बार्सिलोना बराबरीमा रोकियो

बार्सिलोनाले ऐबरसँग बराबरीमा रोकिएको छ । ला लिगामा जितका लागि संघर्षरत् ऐबरले बार्सिलोनालाई उसको घरेलु मैदानमा १–१ को बराबरीमा रोकेको हो । घाईते हुनुभएका फरवार्ड लियोनल मेस्सीको अनुपस्थितिमा उत्रिएको बार्सिलोनामाथि ऐबरले स्ट्राइकर किके गार्सियाको गोलबाट ५७ औं मिनेटमा १–० को अग्रता लियो । औसमाने डिम्बेलेले दश मिनेटपछि बार्सिलोनाका लागि बराबरी गोल फर्काउनुभयो ।

दक्षिण अफ्रिकाको श्रीलङ्कामाथि एक पारी र ४५ रनको जित

दक्षिण अफ्रिकाले श्रीलङ्का विरुद्धको पहिलो टेष्ट खेल एक पारी र ४५ रनको विशाल अन्तरले जितेको छ । जितसँगै दुई म्याचको श्रृखंलामा घरेलु टोलि दक्षिण अफ्रिकाले १–० को अग्रता लिएको छ । दक्षिण अफ्रिकाले पहिलो पारीमा तयार गरेको छ सय २१ रनको जवाबमा श्रीलङ्काले दुबै पारीमा मात्र पाँच सय ७६ रन मात्रै जोड्न सकेपछि उसले विशाल अन्तरको हार बेहोर्नुपरेको हो । दोस्रो पारीमा श्रीलङ्काका कुशल परेराको ६४ रन तथा वनिन्डु हसरङ्गाको ५९...

राष्ट्रिय क्रिकेट टोलीले पोशाकको प्रायोजक पायो

नेपाल क्रिकेट संघका अध्यक्ष चतुरबहादुर चन्दले एएनएस ग्रुप अफ कम्पनीजका अध्यक्ष सुदिप थापासँग सम्झौता पत्रमा हस्ताक्षर गर्नुभयो । उक्त सम्झौता १५ महिनाको लागि गरिएको नेपाल क्रिकेट संघले जनाएको छ । क्यानले एडप्याड प्रा.लि.ले पोशाकको प्रायोजक भएपछि दिने रकमबारे खुलाएको छैन् । एडप्याडले नेपाली पुरुष क्रिकेट टोलिको जर्सीमाथि आफ्नो लोगो प्रयोग गर्न पाउनेछ ।

पोखरा सडक महोत्सवको पूर्वसन्ध्यामा भेट्रान्स टेनिस   

पोखरा सडक महोत्सवको पूर्वाद्र्धमा रेवान पोखराद्वारा आयोजित भेट्रान्स टेनिस प्रतियोगितामा एकलतर्फको उपाधि विकास गुरुङले तथा डबल्सतर्फको उपाधि नवीन जोडीले जितेको छ । पर्यटकीय क्षेत्र लेकसाइडको गुरुङ भिलेज टेनिस कोर्टमा सम्पन्न फाइनल खेलमा विकासले कर्ण तामाङलाई ६–४, ६–४ को सोझो सेटमा पराजित गर्नुभयो । डबल्सतर्फ नवीन श्रेष्ठ र नवीन चालिसेको जोडीले विकास गुरुङ र सूर्य भुजेलको जोडीमाथि ३–६, ६–३ र सुपरटाइमा १०–८...

प्रधानमन्त्री कप महिला टी ट्वान्टी - सुदूरपश्चिमको गण्डकीमाथि जित

सुदूरपश्चिमले प्रस्तुत गरेको एक सय आठ रनको लक्ष्य पछ्याउँदै गण्डकीले पूरै २० ओभर खेले पनि छ विकेटको क्षतिमा ४८ रन मात्रै जोड्न सक्यो । गण्डकीका लागि सृष्टि पौडेलले बनाउनुभएको आठ रन नै सर्वाधिक ब्यक्तिगत् योगफल रहन गयो । सुदूरपश्चिमको बलिंगमा सुनिता लुहरले तीन तथा लक्ष्मी साऊद, ऋतु कनोजिया र कविता कुँवरले सामान एक एक विकेट लिइन् ।

अष्ट्रेलियाविरुद्धको दोस्रो टेस्ट भारतले जित्यो

भारतले अष्ट्रेलियाविरुद्धको दोस्रो टेष्ट म्याच आठ विकेटले जितेको छ । दोस्रो टेष्ट खेलमा भारतको जितसँगै चार म्याचको श्रृखंला १–१ को बराबरीमा आएको छ । अष्ट्रेलियाले प्रस्तुत गरेको ७० रनको झिनो लक्ष्य भारतले दुई विकेटको क्षतिमा पूरा गरेको हो ।

साफ फुटबल बंगलादेशमा हुने

साफ च्याम्पियनसीप फुटबल प्रतियोगिता आगामी वर्ष बङ्गलादेशमा हुने भएको छ । दक्षिण एसियाली फुटबल महासङ्घ (साफ) को कार्यकारी समितिको सोमबार सम्पन्न भर्चुअल बैठकले साफ च्याम्पियनसीप फुटबल प्रतियोगिता २०७८ कात्तिक २८ देखि मङ्सिर ११ गतेसम्म गर्ने निर्णय गरेको हो । कोरोना भाइरसको महामारीका कारण यस वर्ष गर्ने भनिएको साफ फुटबलको नयाँ मिति सार्वजनिक गरिएको हो । बैठकले साफको उमेर समूहका विभिन्न प्रतियोगिताको समय तय गरेको...

प्रधानमन्त्री कप महिला क्रिकेटमा एपीएफको जित

दाङको लमहीमा जारी प्रधानमन्त्री कप राष्ट्रिय महिला क्रिकेट प्रतियोगितामा एपीएफले लुम्बिनि विरुद्ध जित हात पारेको छ । तेस्रो खेलमा जित हात पारेको एपीएफले यसअघि नै सेमीफाइनलमा स्थान सुनिश्चित गरिसकेको छ ।

श्रीलङ्का विरुद्धको पहिलो टेष्टमा दक्षिण अफ्रिका विशाल योगफलतर्फ अग्रसर

दक्षिण अफ्रिकाका लागि फाफ डु प्लेसिसले १६५ रन बनाएर अविजित हुनुहुन्छ । उहाँलाई केशव महाराजले ३७ रन बनाएर साथ दिनुभएको छ । ओपनरद्वय डीन एल्गर र एडन मरकर्रमले पहिलो विकेटका लागि १४१ रनको साझेदारी गर्दै दक्षिण अफ्रिकी पारीको बलियो सुरुवात दिलाए । एल्गर ९५ र मरकर्रमले ६८ रन बनाएर पेभेलियन फर्केपछि मध्यक्रममा फाफ डु प्लेसिससले टेम्बा बभुनासँग पाँचौं विकेटका लागि १७९ रनको साझेदारी गर्नुभयो । बभुना ७१ रन बनाएर पेभेलियन...