नयाँ बजेटको प्राथमिकतामा खेलकुद

आगामी आर्थिक बर्ष ०७९–८० का लागि नीति कार्यक्रम र बजेट निर्माणका लागि सुझाव लिन अर्थ मन्त्रालयले खेलकुद क्षेत्रका विभिन्न संघसंस्था, प्रशिक्षक र खेलाडीसँग छलफल गरेको छ । बुधबार मन्त्रालयमा आयोजित कार्यक्रममा अर्थमन्त्री जनार्दन शर्मा प्रभाकरले खेलकुद क्षेत्रलाई नयाँ ढङ्गले अगाडी बढाउनका लागि सुझाव लिएको बताउनुभयो ।

प्रिन्स र नवीन फाइनलमा

विश्व जुनियर वरीयताका नम्बर एक प्रिन्स दाहाल र नेपाल आर्मीका नवीन श्रेष्ठ योनेक्स सनराइज दोस्रो प्रधानमन्त्री कप राष्ट्रिय खुला ¥याङकिङ ब्याडमिन्टन प्रतियोगिताको पुरुष सिंगल्समा फाइनलमा प्रवेश गर्नुभएको छ ।

टीका भैरव सो क्योकुसिनलाई सर्वाधिक चार स्वर्ण

आयोजक टीका भैरव सो क्योकुसिन कराते डोजोले पाँचौँ टीका भैरव राष्ट्रब्यापी क्योकुसिन कराते प्रतियोगितामा बुधबार सर्वाधिक चार स्वर्ण जितेको छ । पुरुषमा पाँच र महिलामा १एक गरी ६ स्पर्धा समावेश प्रतियोगितामा टीका भैरवले चार स्वर्ण जितेको हो । स्वण साथै टीका भैरवले दुई रजत र कांस्य पदक पनि जित्यो । बाँकी स्वर्ण वज्रबाराही र केन्द्रीय डोजोले जितेको छ ।

आईसीसी अलराउन्डर वरीयतामा दीपेन्द्रको फड्को

नेपालका अलराउन्डर क्रिकेटर दीपेन्द्रसिंह ऐरीले क्रिकेटको टी–२० अलराउन्डर वरीयतामा ठूलो फड्को मार्नुभएको छ। अन्तर्राष्ट्रिय क्रिकेट परिषद् (आईसीसी)ले बुधबार सार्वजनिक गरेको वरीयतामा दीपेन्द्र शीर्ष १० मा पर्नुभएको हो। यो नेपाली क्रिकेटरको वरीयतामा सर्वाधिक ठूलो सफलता हो। यसअघि सन् २०१९ मा नेपालका पूर्व कप्तान पारस खड्का अलराउन्डर वरीयताको शीर्ष २५ मा पर्नुभएको थियो। त्यो नै नेपाली खेलाडीको उच्च वरीयता थियो। दीपेन्द्रले...

नवौँ राष्ट्रिय खेलकुदको मिति तय

नवौँ राष्ट्रिय खेलकुद प्रतियोगिता आगामी जेठ २२ देखि २८ गतेसम्म गण्डकी प्रदेशमा हुने भएको छ । नेपाल सरकार मन्त्रीपरिषद्को बुधबार बसेको बैठकले नवौँ राष्ट्रिय खेलकुद गण्डकी प्रदेशको राजधानी पर्यटकीय नगरी पोखरामा आयोजना गर्ने निर्णय गरेको हो ।

चेल्सीलाई हराउँदै रियल च्याम्पियन्स लिगको सेमिफाइनलमा

साविक विजेता चेल्सीलाई हराउँदै स्पेनिस क्लब रियल म्याड्रिड च्याम्पियन्स लिग फुटबलको सेमिफाइनलमा प्रवेश गरेको छ । घरेलु मैदानमा मंगलबार राति भएको दोस्रो लेगमा रियलले इङ्लिस प्रिमियर लिग क्लब चेल्सीलाई ३–२ गोलले हरायो । रियल समग्रतामा ५–४ गोलले विजयी भयो । रियलले पहिलो लेगमा चेल्सीलार्ई ३–१ गोलले हराएको थियो ।

प्रिन्स र साजनकृष्ण क्वार्टरफाइनलमा

रिभाइभ लिजर पार्कका प्रिन्स दाहाल र नेपाल एपीएफ क्लबका साजनकृष्ण ताम्राकार योनेक्स सनराइज दोस्रो प्रधानमन्त्री कप राष्ट्रिय खुला ¥याङकिङ ब्याडमिन्टन प्रतियोगिताको पुरुष सिंगल्सतर्फ क्वार्टरफाइनलमा प्रवेश गर्नुभएको छ ।

साविक विजेता चेल्सी र रियल म्याड्रिड भिड्दै

च्याम्पियन्स लिग फुटबलको प्रिक्वार्टरफाइनल भिडन्तमा आज (मंगलबार) राति साविक विजेता इङ्लिस क्लब चेल्सी र स्पेनिस पावर हाउस रियल म्याड्रिडबीच प्रतिस्पर्धा हुँदैछ । रियलको घरेलु मैदानमा राति १२ः४५ बजे हुने खेलमा दुवै टोली जितका लागि तयार देखिएका छन् ।

खेलाडीलाई प्रतिबन्धित औषधिबारे सचेतना

दार्चुला सदरमुकाम खलंगामा मंगलवार ‘खेलकुदमा प्रतिबन्धित औषधी सेवन तथा विधि बिरूद्वको सचेतना कार्यक्रम’ सम्पन्न भएको छ । युवा तथा खेलकुद मन्त्रालय खेलकुद प्रबद्र्धन शाखाको आयोजनामा पहिलो पटक दार्चुलामा प्रतिबन्धित औषधी सेवन तथा विधि बिरूद्वको सचेतना कार्यक्रम सम्पन्न भएको हो ।

अफगानिस्तानसँग नेपालको फराकिलो हार

एएफसी फुटसल एसियन कप छनोट अन्तर्गत समूह चरणको अन्तिम खेलमा नेपालले अफगानिस्तानसँग फराकिलो हार खेपेको छ । किर्गिस्तानको विश्केकस्थित गाज्पोर्म स्पोर्ट्स कप्लेक्समा मंगलबार भएको खेलमा नेपाल अफगानिस्तानसँग ८–१ गोलले पराजित भयो ।

न्युज २४ लाई मिडिया कप फुटसल उपाधि

पहिलो संस्करणको एफएनजे मिडिया कप फुटसल उपाधि न्युज २४ टेलिभिजनले जितेको छ । ललितपुरको नेसनल स्पोर्ट्स सेन्टर च्यासलमा मंगलबार भएको फाइनल खेलमा न्युज २४ टेलिभिजनले नेपाल पत्रकार महासंघ ललितपुर शाखालाई ५–२ गोलले हरायो ।

अर्को त्रिदेशीय सिरिजको तयारीमा नेपाली क्रिकेट

नेपाली क्रिकेट टोली फेरि आईसीसी विश्वकप लिग–२ अन्तर्गत अर्को त्रिदेशीय सिरिजको तयारीमा जुटेको छ । नेपाल क्रिकेट सङ्घ (क्यान) आगामी जेठ २४ देखि ३१ गतेसम्म अमेरिकामा आयोजना हुने त्रिदेशीय सिरिजको तयारीका लागि जुटेको क्यानका म्यानेजर विनोद दासले बताउनुभयो ।

प्रियान्शुको विजयी सुरुवात

प्रियान्शुसिंह क्षेत्रीले योनेक्स सनराइज प्रधानमन्त्री कप राष्ट्रिय खुला ¥याङकिङ ब्याडमिन्टन प्रतियोगिताको यू–१९ पुरुष सिंगल्समा सोमबार विजयी सुरुवात गर्नुभएको छ । त्रिपुरेश्वरस्थित राष्ट्रिय खेलकुद परिषद्को कभर्डहलमा प्रियान्शुले अदिश कार्कीलाई २१–१२, २१–१६ को सोझो सेटमा हराउनुभयो ।

नेपाल एसियन कप फुटसलबाट बाहिरियो

नेपाल एएफसी फुटसल एसियन कप छनोटबाट बाहिरिएकोृ छ । कीर्गिस्तानमा जारी छनोट खेलमा लगातार दोस्रो हार खेपेसँगै नेपाल प्रतियोगिताबाट बाहिरिएको हो । एसियाली छनोटको सेन्ट्रल र साउथ जोन अन्तर्गत समूह ‘बी’ मा रहेको नेपाल सोमबार ताजिकिस्तानसँग ११–१ गोलले पराजित भयो ।

बास्केटबल लिग जेठमा

नेपाल बास्केटबल लिग (एनबीएल) को तेस्रो संस्करण आगामी जेठ ७ गतेदेखि हुने भएको छ । नेपाल बास्केटबल लिग प्रालिले पुरुषको जेठ ७ गते र महिलाको जेठ १८ गतेबाट लिग सञ्चालन गर्न लागेको हो ।