कम्युनिस्ट आन्दोलन लोकप्रिय बनाउने नेता

नेपालको कम्युनिस्ट आन्दोलनको लोकप्रियता र लोकतान्त्रीकरणको नायकका रूपमा मदन भण्डारीको नाम लिइन्छ । विश्व कम्युनिस्ट आन्दोलनले एकपछि अर्को धक्का खाइरहेको बेला चुनावी प्रक्रियाबाट कम्युनिस्ट पार्टीलाई लोकप्रिय बनाउने श्रेय, ‘जनताको बहुदलीय जनवाद’का प्रणेता भण्डारीलाई नै जान्छ । हो, त्यहीबेला विश्वप्रसिद्ध ‘न्युजविक’ ले लेख्यो ः नेपालमा जन्मिए माक्र्स ।

कोरोना सङ्क्रमित १० हजारभन्दा बढी

कोरोना भाइरस (कोभिड–१९) सङ्क्रमितको सङ्ख्या १० हजार नाघेको छ । मङ्गलबार ९० महिलासहित ५३८ जना नयाँ सङ्क्रमित थपिएसँगै १० हजार ९९ जना कोभिड सङ्क्रमित भएका छन् । यस्तै, दम र क्षयरोगका बिरामीसमेत रहेका दैलेख जिल्ला दुल्लु नगरपालिका–३ का ४५ वर्षीय पुरुषको कोरोना भाइरसबाट मङ्गलबार मृत्यु भएको छ । कोरोनाबाट मृत्यु हुनेको सङ्ख्या २४ पुगेको छ । बागमती प्रदेशको रसुवाबाहेक देशका ७६ जिल्लामा कोभिड सङ्क्रमित रहेका छन् ।

बाँकी बजेट कोरोना उपचारमा खर्चिने

सरकारले स्थानीय पूर्वाधार विकास साझेदारी कार्यक्रमअन्तर्गत विनियोजित भई खर्च हुन नसकेको बाँकी बजेट स्थानीय स्तरमा रहेको कोभिड–१९ सङ्क्रमण नियन्त्रण तथा रोकथाम कोषमा राख्ने निर्णय गरेको छ ।

सामाजिक सञ्जालमा प्रतिक्रिया ‘राष्ट्रिय शक्तिबीचको एकता अभूतपूर्व’

संविधान संशोधनमार्फत लिम्पियाधुरा, कालापानी र लिपुलेकसहितको नेपालको अद्यावधिक नक्सा प्रतिनिधि सभाबाट पारित भएपछि मुलुकभर खुसियाली छाएको छ । संविधान संशोधनमा देखिएको अभूतपूर्व राष्ट्रिय एकतालाई लिएर सामाजिक सञ्जालमा समेत खुसी व्यक्त गरिएको छ । यो राष्ट्रिय एकतालाई कूूटनीतिक वार्ता, छलफलपछि भूमि फिर्तासम्म अगाडि बढाउनुपर्ने सुझावसमेत सामाजिक सञ्जालमा पाइएको छ ।

कोरोनासँग जुध्न उच्च मनोबल बनाऔँ : प्रधानमन्त्री

प्रधानमन्त्री केपी शर्मा ओलीले कोरोना भाइरसविरुद्धको लडाइँमा सबै नेपाली लागेकाले भय र त्रासको वातावरण नबनाउन आग्रह गर्नुभएको छ । साथै प्रधानमन्त्रीले नेपाली जनता यो महामारीसँग जुध्न सक्छन्, यससँग जुध्ने हिसाबले उच्च मनोबल राखेर जानुपर्छ भन्ने आग्रह पनि गर्नुभएको छ ।

महामारीसँगै ‘निरोगी नेपाल’

‘समृद्ध नेपाल सुखी नेपाली’ को राष्ट्रिय आकाङ्क्षासहित अगाडि बढेको सरकारले कोरोना भाइरस सङ्क्रमणको महामारीसँगै ‘निरोगी नेपाल’ को थप रणनीति अगाडि सारेको छ । नागरिकमा रोग प्रतिरोधी क्षमता बढाउन आयुर्वेद लगायत वैकल्पिक उपचार पद्धतिमा सरकारले जोड दिएको छ ।

पाँच लाखको कोरोना परीक्षण तयारी

सरकारले कोरोना भाइरस सङ्क्रमण प्रभावित क्षेत्र र सङ्क्रमितको सम्पर्कमा रहेका करिब पाँच लाख जनाको कोरोना परीक्षण गर्ने गरी तयारी थालेको छ । स्वास्थ्य तथा जनसङ्ख्या मन्त्रालयले छिमेकी मुलुक भारतलगायत विदेशबाट नेपाली आउने क्रम बढ्ने आकलनसहित क्वारेन्टाइन, आइसोलेसन र परीक्षणको दायरा बढाउने गृहकार्य गरिरहेको छ ।

नागरिकप्रति सरकार संवेदनशील

प्रधानमन्त्री केपी शर्मा ओलीले विज्ञहरूको सुझाव अनुसार जनसङ्ख्याको दुई प्रतिशतसम्म कोरोना भाइरस रोग (कोभिड–१९)को परीक्षण विस्तार गरिने बताउनुभएको छ ।

लिम्पियाधुरा नै कालीको मुहान

सन् १८१६ को सुगौली सन्धिपछिका ऐतिहासिक नक्सा, तथ्य, प्रमाणले लिम्पियाधुराबाट दक्षिण–पूर्व बग्ने नदीलाई स्पष्टसँग काली नदी किटान गरेको छ । सुगौलीपछि १८४५ को सीमास्तम्भ निर्माण सम्झौता र १८६० को नयाँ मुलुक सन्धि एवं ब्रिटिस सङ्ग्रहालयमा सुरक्षित सुगौली सन्धिअघि तयार पारिएको ‘स्केच म्याप’ ले समेत लिम्पियाधुरा मुहान भई पश्चिमबाट पूर्वतर्फ बगेको नदीलाई काली भनिएको छ ।

नेपालको नयाँ नक्सा सार्वजनिक

नेपाल सरकारले नेपालको अद्यावधिक राजनीतिक, प्रशासनिक संस्करणको नयाँ नक्सा बुधबार सार्वजनिक गरेको छ । नक्सामा लिम्पियाधुरासहित काली नदीपूर्वका गुन्जी, नाभी, कुटी लगायतका केही भूभाग समेटिएको छ ।