सार्वजनिक यातायात र हवाई सेवा सञ्चालन भोलिदेखि

परराष्ट्र मन्त्री प्रदीपकुमार ज्ञवालीले मुलुकले यतिबेला स्वास्थ्य र आर्थिक सङ्कट बेहोरिरहेको बताउनुभएको छ । उहाँले मन्त्रिपरिषद्का निर्णय सार्वजनिक गर्न सञ्चार तथा सूचना प्रविधि मन्त्रालयमा मङ्गलबार आयोजित नियमित पत्रकार सम्मेलनमा यस्तो धारणा व्यक्त गर्नुभएको हो । परराष्ट्र मन्त्री ज्ञवालीलाई सोमबार बसेको मन्त्रिपरिषद् बैठकले सरकारको प्रवक्ता तोक्ने निर्णय गरेको थियो । प्रवक्ता ज्ञवालीले असोज १ गतेबाट...

सशर्त अनुदान तोकिएकै शीर्षकमा खर्च गर्नुपर्छ

प्रदेश तथा स्थानीय तहमा पठाइएका सशर्त अनुदान रकम अन्यत्र खर्च गर्न नपाइने भएको छ । त्यस्ता परियोजनाको चौमासिक वित्तीय र भौतिक प्रगति विवरण सम्बन्धित निकायमा अनिवार्य पठाउनुपर्ने अन्यथा अर्को निकासा रोक्न सकिने व्यवस्था गरिएको छ । मन्त्रिपरिषद् बैठकले प्रदेश तथा स्थानीय तहमा ससर्त वित्तीय हस्तान्तरणमार्फत पठाइएका कार्यक्रमको प्राविधिक कार्य सञ्चालन प्रक्रिया, रिपोर्टिङ तथा तथ्याङ्क व्यवस्थापनका शर्त पारित...

बिरामीको स्वीकृतिमा मात्र ‘रेम्डेसिभिर’

कोरोना भाइरस (कोभिड–१९) सङ्क्रमितको उपचारमा प्रभावकारी मानिएको ‘रेम्डेसिभिर’ एन्टिभाइरल औषधिको प्रयोग डेडिकेटेड अस्पतालमा सुरु गरिएको छ । अनुसन्धानकै क्रममा रहेको यो एन्टिभाइरल बिरामीको स्वीकृतिमा मात्र प्रयोग गरिनेछ । कोभिड–१९ सङ्क्रमितका लागि भारतमा प्रयोग थालिएको यो औषधि नेपाल ल्याउन अनुमति नहुँदा यसअघि पनि लुकिछिपी ल्याएर प्रयोग गरिएको थियो ।

नियमित उडानबाट यात्रु ल्याइने मन्त्रिपरिषद्को निर्णय

सरकारले पीसीआर परीक्षण सहज भएका केही मुलुकबाट भदौ १६ गतेदेखि नियमित उडानमार्फत यात्रु ल्याउने भएको छ । पीसीआर परीक्षण सहज भएका मुलुक मलेसिया, यूएई, दक्षिण कोरिया, थाइल्यान्ड, जापान, चीन तथा हङ्कङ, अस्ट्रेलिया, अमेरिका, क्यानडा र युरोपेली मुलुकबाट यात्रु ल्याउने तयारी सरकारले गरेको हो ।

यातायात र हवाई उडान भदौ १५ पछि

सरकारले कोरोना भाइरस (कोभिड–१९) सङ्क्रमणको जोखिम बढ्दै गएको भन्दै राजधानीमा स्वास्थ्य सुरक्षा मापदण्डको पालनामा कडाइ गर्ने भएको छ । मध्यम तथा लामो दूरीका यातायात र राष्ट्रिय तथा अन्तर्राष्ट्रिय हवाई उडान अझै नहुने भएको छ । सरकारले यसअघि भदौ १ गतेदेखि खुला गर्ने निर्णय गरेको थियो । सोमबारको मन्त्रिपरिषद् बैठकले भदौ १५ गतेसम्मका लागि पुनः स्थगित गर्ने निर्णय गरेको छ । बैठकले कोभिड–१९ सङ्कट व्यवस्थापन केन्द्र (सीसीएमसी)...

‘पहिलाको जस्तो बन्दाबन्दी हुँदैन’

काठमाडौँ उपत्यकालगायत देशका विभिन्न भागमा केही दिनयता कोरोना (कोभिड–१९) सङ्क्रमित बढे पनि पुरानै स्वरूपको बन्दाबन्दी तत्काल नहुुने भएको छ । आर्थिक गतिविधि जारी राख्दै स्वास्थ्य सुरक्षाका मापदण्ड कार्यान्वयनमा कडाइ गर्ने नीति सरकारले लिएको छ ।

‘सिङ्गो देश एक भए कोरोना पराजित हुन्छ’

प्रधानमन्त्री केपी शर्मा ओलीले कोरोना भाइरस (कोडिभ–१९) विरुद्धको लडाइँमा ‘नागरिक सबै सिपाही’ भएकाले सरकार–नागरिक मिलेरै महामारीविरुद्ध लड्नुपर्ने बत(ाउनुभएको छ । उहाँले महामारीविरुद्ध सरकारका प्रयास मात्र पर्याप्त नहुने चर्चा गर्नुहुँदै नागरिकमा सतर्कता, सचेतता र स्वास्थ्य मापदण्डको प्रभावकारी कार्यान्वयनले मात्रै रोगविरुद्ध विजय प्राप्त गर्न सकिने बताउनुभयो ।

‘उपाध्यक्ष गौतमको प्रस्ताव समाधानको आधार’

सत्तारुढ नेपाल कम्युनिस्ट पार्टी (नेकपा)मा देखिएको आन्तरिक विवादलाई पार्टी उपाध्यक्ष वामदेव गौतमको प्रस्तावले नयाँ मोड दिएको छ । ‘पार्टी बिग्रह तत्काल रोक्नका लागि’ भन्दै उपाध्यक्ष गौतमले सहमतिका छ बुँदे अवधारणा सार्वजनिक गर्नुभएपछि पार्टीभित्रको विवादमा नयाँ सहमतिको आशा पलाएको हो । यही प्रस्तावका आधारमा विवाद समाधान गर्दै एकता महाधिवेशनसम्म पुग्न सकिने नेकपाका संसदीय दलका उपनेता सुवासचन्द्र नेम्वाङले बताउनुभएको...

बन्दाबन्दी अन्त्य भएको घोषणा

सरकारले कोरोना भाइरस (कोभिड–१९) सङ्क्रमण रोकथाम तथा नियन्त्रणका लागि जारी गरेको बन्दाबन्दी अन्त्यको घोषणा गरेको छ । यद्यपि बन्दाबन्दीको व्यवस्था अन्त्य भए पनि कोरोना सङ्क्रमण जोखिम अन्त्य नभएकाले कोभिड–१९ रोकथाम, नियन्त्रण र उपचारसम्बन्धी व्यवस्था यथावत् रहनेछ ।

प्रधानमन्त्रीद्वारा राजनीतिक परामर्श

प्रधानमन्त्री केपी शर्मा ओलीले पार्टीको आन्तरिक एकता र पछिल्ला राजनीतिक घटनाक्रमलाई लिएर स्थायी कमिटी सदस्यहरूसँग परामर्श थाल्नुभएको छ । नेपाल कम्युनिस्ट पार्टी (नेकपा)का अध्यक्षसमेत रहनुभएका ओलीले सत्तारूढ पार्टीको आन्तरिक एकता, जारी स्थायी कमिटी बैठकका ‘एजेन्डा’ र समसामयिक विषयमा बुधबार बिहान छलफल गर्नुभएको छ । उहाँले प्रधानमन्त्री निवास बालुवाटारमा स्थायी कमिटीका सदस्यहरूसँग सामूहिक रूपमा छलफल र सुझाव...