काँग्रेसद्वारा स्वतन्त्र सेनानी परिवारलाई सहयोग

नेपाली कांग्रेस कपिलबस्तले स्वतन्त्र सेनानी परिवारलाई एक लाख रुपियाँ सहयोग गरेको छ । बैंकबाट लिएको ऋण तिर्न नसकेर घर लिलामी प्रक्रियामा जानबाट जोगाउन काँग्रेसले सो सहयोग गरेको हो । कपिलवस्तु नगरपालिका १ मस्जिद टोलका स्वतन्त्रता सेनानी स्वर्गीय अब्दुल रंगरेजको परिवारलाई सहयोग गरेको हो । रंगरेजका छोरा जावेदलाई तौलिहवास्थित काँग्रेसले पार्टी कार्यालयमा सो रकमको चेक हस्तान्तरण गरेको हो ।

गौतमबुद्ध विमानस्थलमा 'क्यालिब्रेसन' उडान सुरु, ३० घण्टा उडान हुने

गौतमबुद्ध अन्तराष्ट्रिय विमानस्थलको यान्त्रिक परीक्षण उडान (क्यालिब्रेसन फ्लाइट) आजबाट शुरु भएको छ । उक्त उडानका लागि ल्याएको जहाजले ३० घण्टाभन्दा बढी उडान गरेर जडित यन्त्रहरुको परीक्षण सम्पन्न गर्ने नेपाल नागरिक उड्डयन प्राधिकरणले जनाएको छ ।

प्रधानमन्त्री शेरबहादुर देउवा आन्तरिक छलफलमा

सत्ता गठबन्धनको बैठक सकेलगत्तै प्रधानमन्त्री शेरबहादुर देउवा आन्तरिक छलफलमा जुट्नु गर्नुभएको छ । नेपाली काँग्रेसकी संसदीय दलकी सचेतक पुष्पा भुषालले प्रधानमन्त्री देउवाले आन्तरिक छलफलमा जुट्नु भएको जानकारी दिनुभयो ।

नेपाल टस हारेर ब्याटिङ गर्दै

आईसीसी टी–२० विश्वकप ग्लोबल छनोटको पहिलो खेलमा नेपालले ओमानसँग प्रतिस्पर्धा गर्दैछ । अल अमरेत क्रिकेट मैदानमा नेपालले टस हारेर पहिे ब्याटिङ गर्ने भएको छ । ओमानका कप्तान जिशान मकसुदले टस जितेर पहिला फिल्डिङ गर्ने निर्णय लिएपनि नेपाली टोली पहिले ब्याटिङ गर्न बाध्य भएको हो ।

संसद्को कार्यव्यवस्था समितिको बैठक जारी

आजको संसद बैठकका विषयमा छलफल गर्न कार्यव्यवस्था समितिको बैठक संसद् भवनमा शुरु भएको छ ।

सत्ता गठबन्धनको बैठक सम्पन्न, आइतबार पुनः बस्ने

प्रधानमन्त्री निवास बालुवाटारमा बिहान बसेको सत्ता गठबन्धनको बैठक सकिएको छ । मिलिनियम् च्यालेन्ज कर्पोरेशन (एमसीसी) परियोजनालाई प्रतिनिधिसभा संसदमा छलफल गर्ने विषयमा छलफल भएको सरकारका प्रवक्ता एवम् सञ्चार तथा सूचना प्रविधि मन्त्री ज्ञानेन्द्रबहादुर कार्कीले बताउनुभयो ।

गुल्मीको दर्लिङमा पहिलोपटक बस पुग्यो

गुल्मीको मालिका गाउँपालिका–३ दर्लिङमा पहिलोपटक बस पुगेको छ । बुटबलबाट आएको पश्चिम नेपाल बस व्यवसायी प्रालिको लु१ख ५७९७ नंको बस गाउँपालिका–१ नेटा र वडा नं २ ह्वाङ्दी हुँदै बिहीबार दर्लिङ पुगेको हो ।

सत्ता गठबन्धनको बैठक बालुवाटारमा सुरु

सत्ता गठबन्धनको बैठक प्रधानमन्त्री निवास बालुवाटारमा सुरु भएको छ । शुक्रबार दिउँसो १ बजे प्रतिनिधिसभा संसदको बैठकमा मिलिनियम च्यालेन्ज कर्पोरेसन (एमसीसी) सम्झौतालाई टेबल गर्नुपर्नेमा प्रधानमन्त्री शेरबहादुर देउवाले सहमतिको प्रयास जारी राख्दै आउनुभएको छ । यहि विषयमा छलफल गर्न बैठक आज फेरि पनि बसेको नेकपा माओवादी केन्द्रका अध्यक्ष पुष्पकमल दाहाल प्रचण्डका स्वकीय सचिव रमेश मल्लले बताउनुभयो ।

हवाई यात्रामा पिसिआर जाँच र सिसिएमसी फाराम हटाउन आग्रह

वायुसेवा सञ्चालक सङ्घले हवाई यात्रामा प्रयोग गरिँदै आएको पिसिआर जाँच र सिसिएमसी फाराम हटाउन आग्रह गरेको छ । कोरोना महामारीबाट प्रभावित पर्यटन उद्योग अझै अन्याेल भएको अवस्थामा पर्यटकहरुलाई झन्झटिलो प्रकृया मात्र भएकाले यसको प्रभावकारिता नभएको भन्दै हटाउन व्यवसायीहरुले माग गरेका छन् ।

प्रतिनिधिसभा संसदमा एमालेको विरोध आज पनि जारी रहने

प्रतिनिधिसभा संसदको शुक्रबार दिउँसो १ बजे बस्ने बैठकमा पनि प्रमुख प्रतिपक्षी दल नेकपा एमालेले विरोध गर्ने जनाइएको छ ।