लुम्बिनी विश्वविद्यालयमा बहुविषय पठनपाठन हुने

लुम्बिनी बौद्ध विश्वविद्यालय बहुविषयमा गएको छ । बौद्ध शिक्षा, धर्म र संस्कृति मात्रै पठनपाठन गराउने गरी स्थापना भएको विश्वविद्यालय बहुविषयमा गएको हो । विश्वविद्यालय ऐन २०६३ संशोधन भएपछि बौद्ध दर्शनसँग जोडिएर अन्य विषय समेत बौद्ध विश्वविद्यालयले पठनपाठन गर्न पाउने छ ।

कर्णालीमा विद्यालय खोल्ने तयारी

कोरोना महामारी रोकथामका लागि सङ्घीय सरकारले बन्दाबन्दी जारी राखेका कारण देशभर शिक्षालय बन्द रहेका बेला कर्णाली प्रदेश सरकारले स्वास्थ्य जोखिम नभएका स्थानमा विद्यालय खोल्ने तयारी गरेको छ । प्रदेश सरकारले कोरोना भाइरसको सङ्क्रमण नदेखिएका ठाउँमा विद्यालय खोल्नका लागि केन्द्र सरकारलाई गत जेठ र असारमा दुई पटक लिखित अनुमति मागेकामा हालसम्म कुनै निर्णय प्राप्त नभएकाले अब प्रदेश र स्थानीय तहमै निर्णय गरेर विद्यालय...

तत्काल अनलाइन कक्षा सुचारु गर्न माग

विद्यालयले यही साउन १ गतेबाट बन्द गरेको अनलाइन कक्षासहित विद्यार्थीको लागि सबै वैकल्पिक शिक्षण सिकाइका क्रियाकलाप सुचारु गर्नुपर्ने माग गरिएको छ । यहाँ शुक्रबार आयोजित साक्षात्कारमा सरोकारवालाले विद्यालय सञ्चालन नभएको अवस्थामा अनलाइन कक्षासमेत सञ्चालन नगर्दा विद्यार्थीलाई सिकाइबाट वञ्चित हुने तर्क गर्दै जतिसक्दो चाँडो सञ्चालन गर्नुपर्ने माग गरेका हुन् ।

आजबाट शिक्षण सिकाइका सबै क्रियाकलाप बन्द

आफ्ना मागको कार्यान्वयनमा सरकारका तर्फबाट कुनै चासो नदिएको भन्दै निजी शैक्षिक संस्थाका सञ्चालकहरूले बिहीबारदेखि शिक्षण सिकाइका सबै क्रियाकलाप बन्द गर्ने घोषणा गरेका छन् । यसबाट विगत तीन महिनादेखि निजी विद्यालयले सञ्चालन गर्दै आएको अनलाइन कक्षा लगायतका सिकाइका क्रियाकलाप पूर्णरूपमा बन्द हुने भएका छन् ।

नौ करोडको लागतमा विद्यालय निर्माण

मकवानपुरको थाहा नगरपालिका–११ स्थित टिस्टुङमा सुविधा सम्पन्न विद्यालय भवन निर्माण भएको छ । अत्याधुनिक विद्यालय भवन निर्माणसँगै विद्यार्थीहरू भूकम्पले भत्किएको भवनमा त्रासका बीच पढ्नुपर्ने बाध्यताबाट मुक्त भएका छन् । २०७२ सालमा आएको भूकम्पले विद्यालय भवन क्षतिग्रस्त बनेपछि राष्ट्रिय पुनःनिर्माण प्राधिकरणले जापानी सहयोग नियोग (जाइका)को ऋण सहयोगमा बागेश्वरी माध्यमिक विद्यालयको भवन निर्माण गरेको हो ।