पाटन अस्पतालमा उपचाररत सङ्क्रमित युवाको मृत्यु

कोरोना सङ्क्रमित एक जना २९ वर्षीय युवाको मृत्यु भएको छ । जिल्ला स्वास्थ्य कार्यालय ललितपुरका अनुसार मृत्यु भएका युवा ललितपुरका छन् । स्वास्थ्य कार्यालय, ललितपुरले साउन उपचारको क्रममा ललितपुर निवासी युवाको शनिबार राति करिब दश बजे निधन भएको हो ।

पाटन अस्पतालमा उपचाररत कोरोना सङ्क्रमित थप एकको मृत्यु

उहाँ भदौ ९ गते पाटन अस्पताल, ललितपुरमा उपचारका लागि भर्ना हुनुभएको थियो । पाटन अस्पतालमा आइसीयूमा उपचाररत दुई जनाको शुक्रबार राति र शनिबार बिहान मृत्यु भएको थियो । एकजना काठमाडौं महानगरकी र अर्को भक्तपुरकी गरी दुबैजना महिला रहेको अस्पतालले जनाएको थियो ।

उपत्यकामा छसहित १२ जनाकाे मृत्यु, कुल मृत्यु २०७

नेपालमा कोरोना भाइरसका कारणले पछिल्लो २४ घण्टामा १२ जनाले ज्यान गुमाएका छन् । तीनमहिला र नौजना पुरुषको भाइरसका कारणले मृत्यु भएको हो ।योसँगै यसरी ज्यान गुमाएकाहरुको सङ्ख्या २०७ पुगेको छ । नेपालमा कोरोना भाइरसले मृत्यु भएको शुन्य दशमलब ५५ प्रतिशत पुगेको छ ।

थप ८८४ जना सङ्क्रमितसहित ३७ हजार ३४० पुग्याे

नेपालमा ८८४ जना कोरोना सङ्क्रमित थपिएका छन् । थप २४२ महिला र  ६४२ जना पुरुषलाई कोरोना भाइरस पुष्टि भएको छ ।  स्वास्थ्य तथा जनसङ्ख्या मन्त्रालयले दैनिक प्रेस ब्रिफिङमा पछिल्लो २४ घण्टामा थपिएकासँगै सङ्क्रमित हुने कुल ३७ हजार ३४०  पुगेको जनाइएको छ ।

काठमाडौँ उपत्यकामा कोरोनाका १८६ सङ्क्रमित थपिए

स्वास्थ्य तथा जनसंख्या मन्त्रालयले आफ्नो दैनिक प्रेस ब्रिफिङ्को क्रममा उपत्यकाको तीन जिल्लामा १८६ सङ्क्रमित थपिएको जनाएको छ । प्रवक्ता डा. जागेश्वर गौतमले काठमाडौंमा सबैभन्दा बढी काठमाडौंमा १५५, ललितपुरमा १९ र भक्तपुरमा १२ जना थपिएको जानकारी दिनुभयो ।