कोरोना सङ्क्रमित दुई चिकित्सकलाई प्लाज्मा थेरापी गरियो

आईसीयूमा रहेका दुई जना चिकित्सकको त्रिवि शिक्षण अस्पतालमा ‘प्लाज्मा थेरापी’ गरिएको छ । दुवै जनाको स्वास्थ्य अवस्था जटिल भएपछि उपचार पद्धति परिवर्तन गरिएकाे उपचारमा संलग्न चिकित्सक डा. सनतकुमार दासले जानकारी दिनुभयो ।

धुलिखेल अस्पतालका १२० स्वास्थ्यकर्मी क्वारेन्टाइनमा, अस्पताल सिल

धुलिखेल अस्पतालका स्वास्थ्यकर्मी र बिरामीमा कोरोना देखिएपछि अस्पतालको आकस्मिक बाहेकका अन्य सेवा बन्द गरिएको छ । बिरामी र स्वास्थ्यकर्मीमा कोरोना पोजेटिभ देखिएपछि अस्पतालले ओ.पी.डी, आकस्मिक कक्ष र वार्ड सहित संक्रमण फैलिएको आंशका भएकाले केही समय अस्पतालको सेवा बन्द गरी निसङ्क्रम गर्न आवश्यक देखिएकाले संक्रमणमुक्त नहुन्जेलसम्म अस्पतालको आकस्मिक सेवा मात्र सञ्चालन हुने जनाएको छ ।

कोरोना सङ्क्रमणबाट चार जनाको मृत्यु भएको पुष्टि

स्वास्थ्य तथा जनसंख्या मन्त्रलायले पछिल्लो चौबीस घण्टामा चार जनाको कोरोना सङ्क्रमणबाट मृत्युको पुष्टि भएको जनाएको छ । महोत्तरी, धनुषा, अछाम र मोरङका एक एक जनाको सङ्क्रमणबाट मृत्यु भएको मन्त्रालयले जनाएको छ । चारजनाको सङ्क्रमणबाट मृत्यु भएको पुष्टिसँगै नेपालमा कोरोनाभाइरसबाट मृत्यु हुनेको संख्या ९५ पुगेको छ ।

तीन दिनमा उपत्यकामा कुल सङ्क्रमितकाे २५ प्रतिशत थपिए

पछिल्लो तीन दिनमा मात्रै काठमाडौं उपत्यकामा ३९९ जना सङ्क्रमित फेला परेको छ । काठमाडौंमा बुधबार १३८ र मंगलबार १३४ जनामा सङ्क्रमणको पुष्टि भएको थियो । गृह मन्त्रालयले काठमाडौंसहित देशैभरि बढ्दो सङ्क्रमणलाई लिएर आवागमन बन्द गर्ने निर्णय गरिसकेको छ । परिणामस्वरुप सार्वजनिक यातायात बन्द गरिएको छ । ७७ वटै जिल्लालाई सबारी पास जारी नगर्न निर्देशन दिइएको छ ।

थप ५२५ सङ्क्रमित, कुल सङ्क्रमित २४ हजार ९५७

कोरोना भाइरसका कारण बिहीबार थप ५२५ सङ्क्रमित भएका छन् ।