सरुवा भएर खोटाङ आएका छ प्रहरीमा कोरोना पुष्टि

विराटनगरबाट सरुवा भएर जिल्ला प्रहरी कार्यालय खोटाङ आएका ६ प्रहरी जवानमा कोरोना सङ्क्रमण पुष्टि भएको छ । मोरङस्थित पूर्वाञ्चल क्षेत्रीय प्रहरी कार्यालय रानी, विराटनगरबाट यही साउन २३ गते सरुवा भएर खोटाङ कार्यक्षेत्र बनाई आएका ११ प्रहरी जवानमध्ये छ जनामा कोरोना सङ्क्रमण पुष्टि भएको हो । सरुवा भएर खोटाङ आएका सबै प्रहरी जवान क्वारेन्टिनमा रहेको जिल्ला प्रहरी कार्यालय खोटाङका प्रहरी नायब उपरीक्षक नारायणप्रसाद चिमरियाले...

'सम्पर्कमा आएलगत्तै परीक्षण गराउँदा सङ्क्रमण नदेखिन सक्छ'

स्वास्थ्य तथा जनसंख्या मन्त्रालयले सङ्क्रमितको सम्पर्कमा आएका व्यक्तिलाई पाँच दिनपछि मात्रै स्वाब परीक्षण गराउन आग्रह गरेको छ । काठमाडौं उपत्यकासहित देशैभरि कोभिड–१९ परीक्षण गराउनेको संख्यामा वृद्धि भएको छ । हाल देशैभरि दैनिक रुपमा औसतमा ११ हजार जनाको स्वाब सङ्कलन गरी परीक्षण हुँदै आएको छ।

कोरोना सङ्क्रमित मृतकको सङ्ख्या एक सय नाघ्यो

नेपालमा पहिलो पटक जेठ ३ गते एक सुत्केरी महिलाको कोरोना सङ्क्रमणबाट मृत्युको पुष्टि भएको करिब ९० दिनपछि मृतकको संख्या एक सय नाघेको छ । मन्त्रालयका अनुसार हालसम्म सबैभन्दा बढी प्रदेश २ मा ४४ जना सङ्क्रमितको मृत्यु भएको छ । प्रदेश २ मा सङ्क्रमणबाट मृत्यु हुनेमा ३३ जना पुरुष र ११ जना महिला छन् ।

काठमाडौँ उपत्यकामा कोरोनाका ९८ सङ्क्रमित थपिए

काठमाडौं उपत्यकामा कोरोनाभाइरसका ९८ जना सङ्क्रमित थपिएका छन् । यो पछिल्लो पाँच दिनमा सबैभन्दा कम सङ्क्रमित हो । यसअघि लगातार पाँच दिनसम्म काठमाडौं उपत्यकामा एक सय जनाभन्दा बढी सङ्क्रमित फेला पर्दै आएकोमा शनिबार ९८ जनामा सङ्क्रमणको पुष्टि भएको हो ।

कोरोनाभाइरसका ४६८ सङ्क्रमित थपिए, कुल २६ हजार १९

कोरोनाभाइरसका ४६८ जना सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा ११ हजार ४७ जनामा पीसीआर परीक्षण गरिएकोमा ४६८ जनामा सङ्क्रमणको पुष्टि भएको छ ।